GÉNESIS 6:3 - Dios Rimashca Shimicunami

³ Chaimi Mandaj Diosca: “Ñuca espirituhuan causashpa huiñaipaj millaita ruracuchunllaca mana saquigrinichu. Paicunaca huañujlla aichayujmi. Chaimanta cunanmantaca, 120 huatayujcamallami causangacuna” nirca.

GÉNESIS 6:3 Iomraidhean Croise

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

NEHEMÍAS 9:30

Paicuna chashna rurajpipish achca huatacunatami mana llaquichircangui. Paicuna quiquinpajman tigrarichunca quiquinpaj Espirituhuanmi quiquinpaj profetacunata huillachircangui. Ashtahuanpish paicunaca mana uyarcacunachu. Chaimi chai llajtacunapi causajcunapaj maquipi churarcangui.

SALMOS 78:39

Paicunaca huañujlla runacuna cashcatami yuyarirca. Samai shina chingarijlla cashcatami yuyarirca.

SALMOS 90:10

Ñucanchij causana punllacunaca canchis chunga huatallami. Ashtahuan sinchicunapish pusaj chunga huatallatami causan. Unita causaj sinchi runa nishca cashpapish, llaquita, c'uyaillatami causan. Tucuicunami ñucanchij shinallataj utca tucurinllacuna.

ISAÍAS 5:4

Ñuca uva chagrataca ¿imatataj ashtahuan rurana carcari? ¿Imata ruranatataj mana rurashcani? Ñucaca alli uva p'ucujtamari shuyacurcani. ¿Ima nishpataj sacha uvata p'ucurcari?

ISAÍAS 57:16

Ñucaca mana huiñaita llaquichicushallachu. Mana huiñaita p'iña cashachu. Ñuca chashnalla cajpica ñuca rurashca espirituyuj, almayuj runacunaca ñuca ñaupajmantaca tucuimi chingarinman.

ISAÍAS 63:10

Ashtahuanpish paicunaca c'ariyashpami paipaj jucha illaj Espirituta p'iñachircacuna. Chaimantami Mandaj Diosca paicunahuan p'iñarishpa macanacurca.

JEREMÍAS 11:11

Chaimantami pai Mandaj Diostaj cashnapish nin: “Cunanca paicunapajca mana llujshi tucuipaj jatun llaquitami apamugrini. Chai llaquita apacushpa ñucata mañajpipish, manataj uyashachu.

JEREMÍAS 11:7

Cancunapaj ñaupa yayacunata Egipto llajtamanta llujshichimui punllamantapachami, ñuca mandashcata uyaichij nishpa rimarcani, cunarcani. Cancunatapish cai tucui huatacunata mana upalla saquishcanichu. Ashtahuanpish chai shinallatajmi cunani.

NÚMEROS 11:17

Chaipi uriyamushpa ñuca canhuan rimashpami, canpi tiyaj Espirituta japishpa paicunapi ñuca churasha. Israelcuna llaquichishca cargata canhuan apachunmi chashna rurasha. Chaipica ña mana canlla apanguichu.

Juan 3:6

Aichayujmanta huacharijca, aichayujmi. Pipish Espiritumanta huacharijca, espiritumi.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

1 Tesalonicenses 5:19

Taita Diospaj Espíritu ima nishcataca ama mana uyashun nichijchu.