GÉNESIS 6:21 - Dios Rimashca Shimicunami

²¹ Cancuna micunapajpish tucui laya micunata, animalcunaman caranapajpish tucui laya micunata achcata huaquichingui. Chashnami yaricaihuan mana huañunguichij” nircami.

GÉNESIS 6:21 Iomraidhean Croise

JOB 38:41

Cuervocuna caita chaita micunata mashcashpa puricujpipish, paicunapaj huahuacuna yaricaihuan cashpa Taita Diosta caparijpipish ¿pitaj paicunaman caran?

JOB 40:20

Paipajllami urcucunapica, q'uihuacunapish huiñan. Chaimantami tucui animalcuna chaipi micushpa purincuna.

SALMOS 136:25

Tucui causaita charijcunaman micunata carajta alabaichigari. Pai llaquij canaca huiñaipajmari.

SALMOS 145:16

Tucui causaita charijcunamanmi, quiquinca maquita cacharishpa carangui.

SALMOS 147:9

Paica tucui animalcunaman carajmi. Cuervocunapaj huahuacuna mañajpipish cujmi.

SALMOS 35:6

Paipaj ñanca amsa cachun. Lluchcaricuj cachun. Mandaj Diospaj ángel catishpa llaquichichun.

Mateo 6:26

Jahuata purij pajarocunata ricuichigari. Paicunaca mana tarpunchu, mana tandanchu, huaquichinacunapipish mana huaquichinchu. Shina cajpipish jahua pachapi caj cancunapaj Yayaca paicunamanca caranllami. ¿Manachu cancunaca paicunatapish yalli canguichij?