GÉNESIS 6:2 - Dios Rimashca Shimicunami

² Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

GÉNESIS 6:2 Iomraidhean Croise

GÉNESIS 12:11

Abramca Egiptoman ñalla chayagricushpami, paipaj huarmi Saraitaca: “Canca sumaj ñahui huarmimari cangui.

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

GÉNESIS 26:35

Chai ishqui huarmicunamantaca Isaacpish, Rebecapish llaquitami apacurcacuna.

GÉNESIS 27:46

Rebecaca Isaactaca: –Esaú paipaj huarmi cachun japishca heteo huarmicunamantaca ñuca causaipica llaquitami apacuni. Jacobpish Hetpaj ushushicunata paipaj huarmi cachun japijpi, cai huarmicunamanta shinallataj llaquita apacungapajllaca ¿imapajtaj causashpa catishari?– nircami.

GÉNESIS 3:6

Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 4:26

Setca shuj c'ari huahuatami charirca. Chai huahuatami Enos shutita shutichirca. Chai punllamantapachami runacunaca, Mandaj Diosta yuyarinata callarirca.

GÉNESIS 6:1

Tucui cai pachapi gentecuna achcata mirari callarishpaca ushushicunatapishmi charircacuna.

GÉNESIS 6:3

Chaimi Mandaj Diosca: “Ñuca espirituhuan causashpa huiñaipaj millaita ruracuchunllaca mana saquigrinichu. Paicunaca huañujlla aichayujmi. Chaimanta cunanmantaca, 120 huatayujcamallami causangacuna” nirca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

ESDRAS 9:12

Cunanca cancuna c'ari c'ari cangapaj cancunapaj allpapi p'ucushca tucuimanta yalli alli granocunata micushpa causangapaj, cai allpatapish cancunapaj huahuacunapaj herencia cachun huiñaipaj saquingapajca, cancunapaj ushushicunataca paicunapaj churicunamanca ama cunguichijchu. Paicunapaj ushushicunatapish cancunapaj churicunapaj huarmi cachun ama japinguichijchu. Paicunahuan sumajta causashunmi nishpa tandanacunatapish, paicuna ruraj cashca shina rurashpa ashtahuan ñaupajman rina cashcatapish ama yuyanguichijchu.

JOB 1:6

Shuj punllami, Mandaj Diospaj churicuna pai Diospaj ñaupajpi ricurinaman shamujpica, Satanaspish paicunahuan shamurca.

JOB 31:1

Ñuca ñahuicunahuanca ima mana allita ama ricungapajmi, ari ninacurcanchij. Shina cajpica c'arita mana rijsij huarmitaca, mana ricunachu cani.

ÉXODO 34:16

Mana cashpaca cancunapaj churicunapaj huarmi cachunmi paicunapaj ushushicunata japinguichij. Chai huarmicunaca paicunapaj dioscunahuan huainayacushpaca, cancunapaj churicunatapish paicunapaj dioscunahuanmi huainayachinga.

ISAÍAS 63:16

¡Quiquinmari ñucanchij yaya cangui! Abraham ñucanchijta mana charishca shina tucujpipish, Jacob ñucanchijta mana rijsisha nijpipish, Mandaj Dios quiquinmi ñucanchij yaya cangui. Huiñaimanta caj shuti quiquinca ñucanchijta quishpichijmi cangui.

MALAQUÍAS 2:11

Judá llajtapi causajcunaca mana cazurcacunachu. Israelpi, Jerusalenpi causajcunaca yallitajmi millaita rurarcacuna. Chaimanta Judá llajtapi causajcunaca, Mandaj Dios c'uyashca huasitami yangata rurarcacuna. Shinallataj shujtajcunapaj diosta adoraj huarmicunahuanmi casararcacuna.

MALAQUÍAS 2:15

¿Manachu cancuna chairaj cashpa cazarashca huarmihuanca, pai Diosllataj shujlla aichata, shujlla yuyaita rurarca? ¿Imapajshi chashna rurashca canga yuyanguichijchari? Cancunapaj huahua huahuacunapish, paipajlla cachunmari chashna rurarca. Chashna cashcamantaca ama cancunapaj yuyaita mapayachichijchu, ama cancunapaj quiquin huarmita shitaichijchu.

1 Corintios 7:39

Cazarashca huarmica mandashcapi nishca shinaca, cusa causacujpirajca huatashcami. Ashtahuanpish cusa huañujpica, ña mana huatashca cashcamanta maijanhuanpish cazarai tucunmi. Ashtahuanca Mandaj Jesuspi cajlla cachun.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

DEUTERONOMIO 14:1

Cancunaca Mandaj Dios cancunapaj Taita Diospaj huahuacunami canguichij. Maijan huañushcamantaca, cancunapaj aichata ama chugrichiringuichijchu. Uma ajchata ama p'itiringuichijchu.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

1 Juan 2:16

(Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.