GÉNESIS 6:13 - Dios Rimashca Shimicunami

¹³ Chaimi Taita Diosca Noetaca: “Cai pachapi causajcuna yallitaj millaita rurana yuyailla millaita rurajpi, cai pachaca yallitaj millanana cashcamanta cai pachapi causaiyuj tucuicunandij, cai pachandijmi chingachinata yuyarircani.

GÉNESIS 6:13 Iomraidhean Croise

GÉNESIS 49:5

Simeonpish, Levipish, huauquindijcunami. Paicunapaj macanacunacunaca jatun llaquita rurachijmi.

GÉNESIS 6:14

Cunanca canca gofer caspicunahuan jatun huambuj huasita ch'ican ch'ican ucucunayujta rurangui. Chai huasiman yacu ama yaicuchunca jahuatapish, ucutapish breahuan tucuita llihuingui.

GÉNESIS 6:4

Taita Diospaj churicuna runacunapaj ushushicunahuan chayarinacujpi chai huachashca huahuacunami, chai punllacunapipish, q'uipa punllacunapipish yallitaj jatun c'ari c'ari runacuna tiyarca. Paicunaca alli macanacuj millai runacunami carca.

GÉNESIS 7:21

Chaimi cai pachapi causaiyuj caj tucuicunaca huairata purij alasyuj animalcunapish, charina animalcunapish, sacha animalcunapish, llucaj tucui animalcunapish, tucui gentecunapish huañurcacuna.

GÉNESIS 7:23

Cai pachapi causaiyuj caj tucuicunataca chashnami chingachirca. Gentecunamanta callarishpaca, tucui animalcunatapish, llucaj animalcunatapish, huairata purij alasyuj animalcunatapish tucuitami chingachirca. Huambuj huasipi Noehuan tucui cajcunallami saquirircacuna.

GÉNESIS 7:4

Cunanmanta canchis punlla q'uipaca, ñucaca cai allpapica chuscu chunga punllata chuscu chunga tutatami tamyachisha. Chashnami cai pachapi causaj tucui imallata ñuca rurashcataca chingachigrini” nircami.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

ISAÍAS 34:1

Llajtacunapi causajcuna, tandanacumuichij. Uyangapaj c'uchuyamuichij. Tucui cancuna uyaichigari. Allpapish, chaipi imalla causajcunapish uyaichigari. Cai pachapish chaipi imalla tiyajcunapish uyaichigari.

JEREMÍAS 51:13

Jatun yacucuna chaupipi causajcunalla, cancunaca achcata charijcunami canguichij. Cancunapajca huañuimi chayamushca, cancuna jahuanpi jahuanpi charijyashca tucurinamari chayamushca.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

AMÓS 8:2

Chashna ricuchishpaca: –Amós, ¿imatataj ricungui?– nijpica ñucaca: –Usya punllacuna p'ucushca granocunatami, taza junda tiyacujta ricuni– nircanimi. Chashna nijpica, Mandaj Diosca cashnami nirca: –Ñuca agllashca israelcuna tucurinami ña chayamushca. Cunantajca mana uniyashachu.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.