GÉNESIS 6:11 - Dios Rimashca Shimicunami

¹¹ Taita Diospaj ñaupajpica cai pachaca yallitaj llaqui, millanana ruraicunahuan jundami carca.

GÉNESIS 6:11 Iomraidhean Croise

GÉNESIS 10:9

Nimrodca Mandaj Diospaj ñaupajpica, animalcunata japishpa huañuchij c'ari c'ari runami carca. Chaimantami: “Nimrod shina animalcunata japishpa huañuchij c'ari c'ari runa Mandaj Diospaj ñaupajpica caichigari” nincuna.

GÉNESIS 13:13

Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 6:10

Noeca Sem, Cam, Jafet quimsa churicunatami charirca.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

2 CRÓNICAS 34:27

Cai llajtatapish, cai llajtapi causajcunatapish, ñuca llaquichina cashcata chai quillcapi huillacushcata uyashpaca, shungu p'aquirishpami ñuca ñaupajpi llaquirircangui. Chashna llaquirishpami tucui shunguhuan chaipi cambaj yuyaita churashpami ñuca ñaupajpica cumurircangui. Chashna llaquirishpami ñucallata cazuna yuyai tucurcangui. Shinallataj can churarishcata lliquirishpami ñuca ñaupajpi cumurishcata ricuchingui. Can chashna llaquirishcataca uyanimi ninmi Mandaj Diosca.

SALMOS 11:5

Mandaj Diosca allita ruraj cajta, mana allita ruraj cajta ricunrajmi. Millaita ruranata c'uyajtaca p'iñanmi.

SALMOS 140:11

C'allu cacharishca runaca cai allpapica mana sinchi cai tucungachu. Yallitaj millai runacunataca llaquimi tucui tucuchinga.

SALMOS 55:9

Jatun Dioslla, chingachihuayari. Paicunapaj rimaicunataca ch'ican ch'icanta rurayari. Pueblopica llaquichinacui, c'aminacuillatami ricuni.

ÉXODO 32:7

Mandaj Diosca Moisestaca: –Egiptomanta can llujshichimushca gentecunaca millaitami ruracuncuna. Paicunapajman uriyashpa rilla.

ISAÍAS 60:18

Cambaj llajtapica ña manataj macanacui tiyanamantaca rimangachu. Cambaj llajtapaj lindecunata, llajtata chingachingami nishcapish ña manataj uyaringachu. Ashtahuanpish cancunapaj muyujta pircashcacunataca: Quishpichijmi cangui ninguichijmi. Pungucunataca: Diosta alabanami cangui ninguichijmi.

JEREMÍAS 6:7

Ima shinami pugyumantaca punllanta yacu llujshin, chashnallataj chai pueblopi causajcunapish millaita ruracunllami. Shujtajcunata llaquichishpa, shuhuashpami causancuna. Punllantami ñuca ñaupajpi chugrichishpa unguchincuna.

EZEQUIEL 28:16

Shina cashpapish c'atuna yuyaillahuan, randina yuyaillahuan junda cashpami juchata rurarcangui. Cuidaj querubinlla, chaimantami cantaca ñucapajlla urcumantapish, nina lunyacuj rumicuna jahuamantapish pambaman shitarcani.

EZEQUIEL 8:17

Chaimantaca ñucataca: “Huañujlla aichayuj runa, ¿manachu caitaca ricungui imatagari? ¿Judá llajtapi causajcuna yallitaj millaita rurashcaca, jahuallachu cashca imatagari? Paicunaca cai llajtapica millai ruranacunahuan jundachishca q'uipamari, ñucata ashtahuan p'iñachingapaj ñucapajman tigramuncuna. Paicunaca singapimi ramacunata churancuna.

HABACUC 1:2

Mandaj Dioslla, ¿maicamataj mañacushallari? manataj uyahuanguica. ¿Maicamataj llaquicunataca huillacushallari? manataj quishpichihuanguica.

HABACUC 2:17

Libanota llaquichishca llaquicunallatajmi cantapish japinga. Sacha animalcunami cantaca manchachinga. Canllataj runacunata huañuchishcamanta, allpata shuhuashcamanta, pueblocunapi causajcunapajta shuhuashpa apashcamantami cai llaquicunaca cantapish japinga.

HABACUC 2:8

Ashtahuanpish canca achca llajtacunamantami imalla charishcacunata quichushpa aparcangui. Cantaca runacunapaj yahuarmantapish, allpata shuhuashcamantapish, imalla tiyajcunata shuhuashcamantapishmi chai llajtamanta chai pueblocunallamanta shamushpa, can imalla charishcacunataca quichushpa apangacuna.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Romanos 2:13

Mandashcata uyajcunallaca, Taita Diospaj ñaupajpica cashcata rurajmi cangui nishcaca mana cai tucuncunachu. Ashtahuanpish Mandashcapi nishcata cazujcunami cashcata rurajcunami canguichij nishca cai tucuncuna.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

DEUTERONOMIO 31:29

Ñuca huañushca q'uipaca Diospajca ismucuj shina tucushpa, ñuca mandashca ñancunamanta anchurina cashcataca yachanimi. Cancunapaj maquihuan rurashcacunahuan Mandaj Diosta yallitaj p'iñachishcamantaca, q'uipa punllacunataca jatun llaquicunami cancunapaj jahuaman shamunga” nircami

JUECES 2:19

Mandaj Dios churashca juez huañujpica, millaita ruranaman tigrarcallacunami. Manapish dios cajcunata catishpa, chaicunapajta rurashpa paicunapaj ñaupajpi cungurishpami, paicunapaj yayacunatapish yalli millaita rurarcacuna. Chai dioscunapajta ruranamanta, chai mana alli ñanmantaca manataj anchusha nircacunachu.