GÉNESIS 5:5 - Dios Rimashca Shimicunami

⁵ Adanca tucuimantaca, 930 huatacunata causashpami huañurca.

GÉNESIS 5:5 Iomraidhean Croise

GÉNESIS 3:19

Allpaman tigrangacamaca canca jumbijta trabajashpami micungui. Canca allpamanta japishpa rurashcami cangui. Ñutu allpallamantataj cashcamantaca ñutu allpallatajmi tucungui– nircami.

GÉNESIS 5:11

Enosca tucuimantaca, 905 huatata causashpami huañurca.

GÉNESIS 5:4

Set churita charishca punllamantaca Adanca, 800 huatacunahuanmi causarcaraj. Churicunatapish ushushicunatapish charircarajmi.

GÉNESIS 5:6

Setca, 105 huatayuj cashpami, Enós shuti churita charirca.

GÉNESIS 5:8

Setca tucuimantaca, 912 huatata causashpami huañurca.

2 SAMUEL 14:14

Allpapi yacu tallirijpica, pi mana tandai tucunchu. Chashnallatajmi tucuicuna huañunataj canchij. Shina cajpipish Taita Diosca pita mana causaita quichunllachu. Ashtahuanpish llajtamanta llujshichishpa cachashcatapish paimanta ama ashtahuan caruyachun tigrachimunatami munan.

1 CRÓNICAS 1:1

Adanpaj churica Setmi, Setpaj churica Enosmi.

JOB 30:23

Ñucata huañuiman can pushacujtaca yachanimi. Tucui causajcuna huañushpa chaiman richun cushca huasimanmi pushacungui.

SALMOS 89:48

¡Maijan runataj causacungallari. Maijan runataj huañuitaca mana ricungari! ¿Seolman ricujtaca paipaj causaitaca quishpichi tucungachu? Selah

SALMOS 90:10

Ñucanchij causana punllacunaca canchis chunga huatallami. Ashtahuan sinchicunapish pusaj chunga huatallatami causan. Unita causaj sinchi runa nishca cashpapish, llaquita, c'uyaillatami causan. Tucuicunami ñucanchij shinallataj utca tucurinllacuna.

ECLESIASTÉS 12:5

Maiman huichiyanapish manchananami ricuringa, ñanpipish llaqui japinallami canga. Almendro yura sisashcapica, langosta c'urucunallapish llashajmi canga. Micuna munaipish illangami. Huiñaita tiyan huasiman ricujpica, callepica yupashpa yupashpa huacashpami, muyundijta catingacuna.

ECLESIASTÉS 12:7

Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.

ECLESIASTÉS 9:5

Causacujrajcunaca huañuna cashcallatapish yachanmi. Ashtahuanpish huañushcacunaca ña imata mana yachanchu, imata ashtahuan mana japincunapishchu. Pi ashtahuan mana yuyarinllapishchu.

ECLESIASTÉS 9:8

Punllanta yuraj churanata churailla, umapipish mishquijllata ashnaj jambitaca ama illachinguichu.

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

DEUTERONOMIO 30:20

Mandaj Dios cancunapaj Taita Diosta c'uyashpa, paita cazushpa paita catishpa causachunmi mandani. Paimantami cancunaca Mandaj Dios cancunapaj Taita Dios cancunapaj ñaupa yaya Abrahamman, Isaacman, Jacobman cushatajmi nishca llajtapica unita causanguichij' nircami.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.