GÉNESIS 5:22 - Dios Rimashca Shimicunami

²² Enocca, Matusalén churita charishca punllamantaca, 300 huatacunahuanmi Taita Dioshuan purirca. Churicunatapish ushushicunatapish charircarajmi.

GÉNESIS 5:22 Iomraidhean Croise

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 24:40

Chaimi paica: Ñucaca tucui causaipimi Mandaj Diospaj ñaupajpi purini. Paillatajmi canhuanpish paipaj angelta cachajpi paica tucui ñanpi canta cuidajpi alli ringui. Chaimi ñuca yayapaj huasimanta, ñuca familiapuramantaca ñuca churipaj shuj huarmita pushamungui.

GÉNESIS 48:15

Chaipimi Josetaca alli cashca cachun nishpaca: “Ñuca yaya Abraham, yaya Isaac paipaj ñaupajpi purishca Taita Dios. Ñuca tiyashca pachamanta cunancama ñucata cuidaj Taita Dios,

GÉNESIS 5:21

Enocca sujta chunga pichca huatayuj cashpami, Matusalén shuti churita charirca.

GÉNESIS 5:23

Enocca tucuimantaca, 365 huatacunatami causarca.

GÉNESIS 5:24

Enocca Taita Dioshuanmi purirca. Taita Dios apajpimi paica ñapish chingarircalla.

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

1 REYES 2:4

Mandaj Dios ñucaman pai imallata cusha nishcata pajtachichunpishmi chashna rurana cangui. Paica ñucamanca: Cambaj huahuacuna tucui shunguhuan, tucui almahuan ñuca ñaupajpi chaitataj pajtachishpa ñuca ñanpi purijpica, cambaj huahua huahuacunaca israelcunata mandashpa tiyanapica mana illangachu nircami.

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

SALMOS 116:9

Cai pacha runacunahuan causashcacamaca, Mandaj Diosllatami cazushpa causasha.

SALMOS 128:1

Tucui maijanpish Mandaj Diosta manchajca cushichishcami. Pai yachachishca shina causajca cushichishcami.

SALMOS 16:8

Ñucaca tucui imapipish Mandaj Diostami puntapi churani. Chaimanta pai ñuca alli ladopi cajpi, pi mana cuyuchingachu.

SALMOS 26:11

Ashtahuanpish ñucaca imapi mana pandashpami purini. Ñucataca llaquihuayari, cacharichihuayari.

SALMOS 56:13

Huañuimantaca quiquinmari quishpichircangui. Urmagrijpipish charihuarcanguimi. Taita Diospaj ñaupajpi, luzpi causajcunahuan causachunmi chashna rurarcangui.

SALMOS 86:11

Mandaj Dioslla, quiquinpaj ñanta yachachihuayari. Quiquinpaj mana llullapimi purisha. Quiquinpaj shutita manchashpa causanata ñuca shungupi sinchiyachiyari.

ÉXODO 16:4

Chaipimi Mandaj Diosca Moisestaca: –Ñucaca jahua pacha tandatami tamyachigrini. Chai micunataca tucuicuna quiquin micuna pajtallata punllanta tandanaman llujshichuncuna. Ñuca imallata rurachun mandashcata cazujta, mana cazujtami ricusha nini.

CANTARES 1:4

Ñucata pushahuayari, canhuan rishun ninchijca. Jatun mandajmi paipaj huasicunaman yaicuchirca, canhuanmari cushicushun. Cambaj c'uyaitaca vinotapish yalli cashcatami yuyarishun. Cantaca c'uyana cashcamantatajmi c'uyancuna.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

LEVÍTICO 26:12

Ñucaca cancunapaj chaupipimi purisha. Cancunapaj Taita Diosmi casha. Cancunapish ñucapajcunami canguichij.

AMÓS 3:3

Pipish manapish shuj yuyailla cashpaca, ¿ishqui tandalla purinmanchu imashi?

MIQUEAS 4:5

Shujtajcuna, paicunapaj quiquin dioscunallata cazushpa causacujpipish, ñucanchijca ñucanchijta Mandaj Taita Diosllatami huiñai huiñaita cazushpa causashun.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

MALAQUÍAS 2:6

Levitacunaca mana llullashpallami, ñuca mandashcataca yachachircacuna. Paicunaca, ima millai shimicunatapish mana rimarcacunachu. Ñucahuan cashpaca sumajta causashpa, cashcata rurashpami purircacuna. Millai ruranamantapish achcacunatami anchuchircacuna.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

1 Corintios 7:17

Ashtahuanpish cada quiquinman Mandaj Jesús ima rurai tucunata chaupishca shina, Taita Dios cancunata cayai punlla ima shinami carcanguichij, chai shinallataj causaichij: Mai llajtapi cashpapish tandanacushca crijcunataca chashnami mandani.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Efesios 5:15

Riquichij, ima shina puricushcata alli yuyarichij. Ama ch'ahuancuna shina, ashtahuanpish yachajcuna shina caichij.

DEUTERONOMIO 13:4

Chaimanta cancunaca Mandaj Dios cancunapaj Taita Diosllata catinguichij, paillata manchanguichij. Pai mandashcacunallata huaquichinguichij, pai rimashcallata uyanguichij. Pai mandashcacunallata ruranguichij, paipajlla cana yuyailla canguichij.

DEUTERONOMIO 28:9

Mandaj Dios cancunapaj Taita Dios mandashcacunata pajtachishpa, paipaj ñanllapi catijpica, Mandaj Diosca pai nishca shinallatajmi jucha illaj paipajlla sinchicuna cachun churanga.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Colosenses 4:5

Yachaj cashcamanta, mana crijcunahuanca alli caichij. Paicunaman huillanalla cajpica huillaichijlla.

1 Tesalonicenses 2:12

Paipaj sumaj mandanaman Taita Diosca cayashcamantaca, paipaj huahuacuna shinataj causachunmi yachachircanchij.

1 Tesalonicenses 4:1

Ashtahuanca huauquicuna, Mandaj Jesuspaj shutipimi cancunataca yuyachishpa animachishun ninchij. Ima shina causashpa Taita Diosta cushichinatami yachachircanchij. Chai shinami causacunguichij. Chashna causashpami ashtahuan ashtahuan yallitaj alli catinguichij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.