GÉNESIS 49:4 - Dios Rimashca Shimicunami

⁴ T'imburicuj yacu shina cashcamanta ña mana punta churichu cangui. Yayapaj camaman huichiyashcamanta ña mana punta churichu cangui. Camaman huichiyashpa ñucata yanganchishcamanta ña mana punta churichu cangui.

GÉNESIS 49:4 Iomraidhean Croise

GÉNESIS 35:22

Yaya Israel ña chaipi causacujpimi, Rubenca paipaj yayapaj Bilha shuti caishuj huarmipajman rishpa paihuan dormirca. Chaitaca yaya Israelca yachaj chayarcami. Yaya Israelpaj churicunaca chunga ishquimi carca.

GÉNESIS 46:8

Israelpaj huahua huahuacuna Jacobhuan paipaj churicunandij Egiptoman yaicujcunapaj shuticunaca caicunami: Jacobpaj punta churica Rubenmi carca.

1 CRÓNICAS 5:1

Rubenca yaya Israelpaj punta churimi carca. Ashtahuanpish paica paipaj yayapaj camapi millaita rurashcamantami punta churi cashcamanta japina cashcataca mana japirca. Punta churi cashpa pai japina cashcataca yaya Israelpaj churi Josepaj churicunami japircacuna. Rubenca ña mana punta churi shina saquirircachu.

1 Corintios 5:1

Cancunapurapica, huainayaj tiyan nishcami uyarin. Chaica yayapaj huarmihuanmi causacun ninmi. Chashnataj huainayajcunaca, Diosta mana rijsijcunapurapipish manamari uyarinchu.

DEUTERONOMIO 27:20

Maijanpish paipaj yayapaj huarmihuan siririshpa paipaj yaya llatanashpa ricunata ricujca llaqui tucushca cachun nijpica, tucuicuna: Chashnataj cashca cachun ninguichij.

DEUTERONOMIO 33:6

Rubén causacuilla, canca mana huañunguichu. Paipaj ailluca mana yupaipaj cashca cachun” nircami.

DEUTERONOMIO 5:21

Shujtajpaj huarmita cashpa, paipaj huasita cashpa, paipaj allpata cashpa, paipajta ruraj c'arita cashpa, huarmita cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

2 Pedro 3:16

Pabloca pai quillcashcapica cazi tucui quillcacunapimi, chaicunallatataj yachachishca. Chaicunapica, maijan quillcacunaca mana jahualla entendipajmi. Chashnallataj cajpimi Dios Quillcachishca shujtaj quillcacunatapish mana yachaj, mana entendijcunaca paicuna chingarinapajllataj panda yachachincuna.