GÉNESIS 48:7 - Dios Rimashca Shimicunami

⁷ Padan-arammanta ñuca tigracujpimi cambaj mama Raquelca Canaanpi huañurca. Efrataman chayana ashalla illajpimi chaiman rina ñanpi huañurca. Chaimi paitaca chai ñan c'uchullapi pambarcani. Chai pueblotaca cunanca Belén nincunami– nircami.

GÉNESIS 48:7 Iomraidhean Croise

GÉNESIS 25:20

Isaacca chuscu chunga huatayuj cashpami Padan-aram llajtapi causaj arameocunapura Betuelpaj ushushi, Labanpaj pani Rebecataca paipaj huarmi cachun japirca.

GÉNESIS 33:18

Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca.

GÉNESIS 35:20

Jacobca Raquelta pambashca jahuapica, shuj jatun pircatami rurarca. Raquelta maipi pambashcaca cunancama ricunallami.

GÉNESIS 35:9

Jacobmanca, Padan-arammanta tigracujpimi Taita Diosca cutinllataj ricurishca carca. Chaipimi canmanca achca allicunatami cusha nishpaca,

GÉNESIS 48:6

Efrainpaj, Manasespaj q'uipa huacharishca churicunami cambaj canga. Paicunaca paicunapaj huauquicunapaj shutipimi rijsishca canga.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

Mateo 2:18

“Ramá pueblopica caparishcami uyaringa. Jatunta llaquirishpa jigyashpa huacashcami uyaringa. Raquelmi paipaj huahuacunamanta huacacun. Ama huacaichu nijpipish, paipaj huahuacuna huañushcamantami mana upallashpa huacacun nishcami canga” nircami.

RUT 1:2

Judapi caj Belenmanta Moabman rij runaca efrateopuramanta Elimelecmi carca. Paipaj huarmica Noemí paipaj ishqui churicunaca Mahlón, Quelión shuticunami carca. Paicuna Moabman chayashpaca chaipimi causarcacuna.

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.

1 SAMUEL 10:2

Can ñucamanta ch'icanyashpa ricujpica, ishqui runacunami canhuan tupangacuna. Paicunaca Benjaminpaj llajtapi caj Selsa pueblo c'uchupi Raquel huarmita pambashca c'uchupi tupashpaca cashnami ningacuna: “Cancuna mashcanaman rishca burrocunataca ñami japircanchij. Cunanca cambaj yayaca burrocunamantaca ña mana llaquillachu. Ashtahuanpish cancunamanta llaquirishpamari: Cunanca ñuca huahuamantaca imatataj rurashari nicun” ningacunami.

1 SAMUEL 16:4

Samuelca Mandaj Dios nishca shinallatajmi rurarca. Belenman pai ña chayajpica, chai pueblopaj cunaj yuyajcuna manchaihuan tupanaman llujshishpaca: –¿Cushichingapajchu shamungui?– nishpa tapujpimi,

1 SAMUEL 17:12

Davidca efrateo Isaipaj churimi carca. Chai Isaica Judapi caj Belenpi huacharishca pusaj churicunayujmi carca. Saúl mandacui punllacunapica, paica achca huatacunayuj yallitaj yuyajmi carca.