GÉNESIS 48:12 - Dios Rimashca Shimicunami

¹² Joseca paipaj churicunata yayapaj changamanta anchuchishpaca, pambaman tupajtami cumurirca.

GÉNESIS 48:12 Iomraidhean Croise

GÉNESIS 18:2

Abrahamca paipaj chaininijllapi quimsa runacuna cajta ricushpami, paipaj carpa huasi pungumanta callpashpa tupanaman rishpa paicunapaj ñaupajpi pambaman tupajta cumurishpaca,

GÉNESIS 19:1

Chai ishqui angelcunaca ña tutayacuitami, Sodomaman chayarca. Lotca Sodomaman yaicuna pungullapimi tiyacurca. Paicunata ricushpami Lotca jatarishcahuan tupanaman rishpa paicunapaj ñaupajpi pambaman tupajta cumurishpaca,

GÉNESIS 23:7

Chaimi Abrahamca shayarishpa Hetpaj huahuacunapaj ñaupajpi cumurishpaca,

GÉNESIS 33:3

Jacobca paicunapaj puntapi rishpami, paipaj huauquipajman chayangacama canchis cutin pambaman tupajta cumurihuan cumurihuan rirca.

GÉNESIS 42:6

Joseca chai llajtapi mandajmi carca. Paimi tucuicunaman trigota c'atuj carca. Josepaj huauquicunapish paipajman chayashpaca paipaj ñaupajpimi pambaman tupajta cumurircacuna.

GÉNESIS 48:11

Josetaca: –Ñucaca canta ricunataca ña mana yuyarcanichu. Ashtahuanpish Taita Diosmari cambaj huahuacunacama ricuchun saquihuashca– nircami.

GÉNESIS 48:13

Joseca, paipaj ishqui churicunataca Israelpaj ñaupajmanca Efraintaca alli maquihuan, Manasestaca lluqui maquihuan aisashcami c'uchuyarca. Chaipica Efrainca, Israelpaj lluqui maquimanmi tucurca, Manasesca alli maquimanmi tucurca.

1 REYES 2:19

Betsabeca Adoniasmanta jatun mandaj Salomonhuan rimangapajmi shamurca. Jatun mandajca Betsabeta chasquingapaj jatarishpami paipaj ñaupajpi cumurirca. Chai q'uipaca paipaj tiyarinapi tiyarishpami, paipaj mamata tiyachingapaj shuj tiyarinata apamuchun mandarca. Chaimi paipaj mamaca paipaj alli ladoman tiyarirca.

2 REYES 4:37

Chai huarmica chai ucuman yaicushcahuan Eliseopaj chaquiman urmashpaca pambaman tupajtami cumurirca. Chai q'uipaca paipaj churita pushashpa llujshircallami.

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

ÉXODO 34:8

Chashna nincami Moisesca pambaman tupajta cumurishpa Mandaj Diosta adorashpaca,

PROVERBIOS 31:28

Paipaj huahuacuna jatarishpapish, cushicui mamita nincunami. Cusapish cashnami nishpa cushichin:

LEVÍTICO 19:3

Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

LEVÍTICO 19:32

Puzujlla uma yuyajcunataca paicunapaj ñaupajpi shayarishpa alli ninguichij. Cambaj Taita Diosta manchanguichij. Ñucami Mandaj Dios cani.

Efesios 6:1

Huahuacuna, Mandaj Jesuspi shujlla cashcamantaca cancunapaj yaya mamata cazuichij, chashna cashpami cashcata rurajtaj cana.