GÉNESIS 48:11 - Dios Rimashca Shimicunami

¹¹ Josetaca: –Ñucaca canta ricunataca ña mana yuyarcanichu. Ashtahuanpish Taita Diosmari cambaj huahuacunacama ricuchun saquihuashca– nircami.

GÉNESIS 48:11 Iomraidhean Croise

GÉNESIS 37:33

Jacobca paipaj churipaj churana cashcata rijsishpami: “Cai churanaca ñuca churipajtajmari. Ima millai animalmari Josetaca mirga mirgata rurashpa millpushca canga” nirca.

GÉNESIS 37:35

Chaimi Jacobtaca churicunapish ushushicunapish cushichishun nishpa tucuicuna c'uchuyashpa sumajta rimarcacuna. Ashtahuanpish Jacobca imata mana uyasha nishpami paicunataca: “¡Ñucaca, seolpi ñuca churihuan tandanacugringacamami llaqui churanata churashca causasha!” nishpami huacarca.

GÉNESIS 42:36

Chaimi yaya Jacobca: –Cancunaca ñucataca huahuacuna illajtamari saquigringuichij. Josepish ñami chingarirca, Simeonpishmari ña illan. Cunancarin Benjamintapishmari pushashun ninguichij. Tucui chaicunaca ñucatamari tucuchigrin– nirca.

GÉNESIS 45:26

paicunaca Jacobmanca: “Joseca causacushcamari, paica tucui Egipto llajtata mandajmari” nishpa huillarcacuna. Ashtahuanpish Jacobca upayajta mancharishpaca mana crircachu.

GÉNESIS 48:10

Israelca yallitaj yuyaj cashcamanta paipaj ñahuicunapish mana alli cashpa mana alli ricui tucurcachu. Chaimi Joseca paipaj churicunataca paipajman c'uchuyachijpi, yaya Israelca paicunataca ugllarishpa muchashpa,

GÉNESIS 48:12

Joseca paipaj churicunata yayapaj changamanta anchuchishpaca, pambaman tupajtami cumurirca.

SALMOS 128:6

Cambaj huahuacunapaj huahuacunatapish ricungacamami causangui. ¡Israelpica sumaj causai tiyashca cachun!

PROVERBIOS 17:6

Yuyajcunapajca, nietocunaca sumaj corona shinami. Shinallataj huahuacunapish, yaya mamamantami cushicuncuna.

Efesios 3:20

Diosca tucui imatapish rurai tucuj cashcamantaca, ñucanchijpi rurachicuj poderhuanmi ñucanchij imata mañashcatapish, yuyashcatapish ashtahuan yallita ruran.