GÉNESIS 48:1 - Dios Rimashca Shimicunami

¹ Tucui chaicuna q'uipaca cashnami tucurca. Josemanca: –Cambaj yayaca ungushcami– nijpimi Joseca Manasés, Efraín paipaj ishqui churicunata paihuan pushashpa rirca.

GÉNESIS 48:1 Iomraidhean Croise

GÉNESIS 46:20

Joseca Egiptopi cashpami Asenat paipaj huarmipica Manasés, Efraín shuti churicunata charirca. Asenatca On pueblopi causaj Potifera curapaj ushushimi carca.

GÉNESIS 48:2

Jacobmanca: “Cambaj churi Joseca cambajman shamushpa caipimi” nijpimi, Israelca huancarishpalla jatarishpa camallapitaj huichi tiyarishpa,

GÉNESIS 48:5

Cunanca cai Egiptopi ñuca canhuan manaraj tandanacunaman shamujpi, caipi huacharishca Efraín, Manasés cambaj ishqui churicunaca ñuca churi Rubén, Simeón shinallataj ñuca quiquin churicunami.

GÉNESIS 50:23

Joseca Efrainpaj churicunataca quimsa huahua huahuacamami ricurca. Manasespaj churi Maquirpaj huahuacunaca Josepaj changa jahuapi huiñachishcacunami carca.

2 REYES 13:14

Eliseo ungushca ña huañunalla cajpimi, israelcunata jatun mandaj Joás paipajman uriyashpa paipaj ñaupajpica: –¡Ñuca yayalla, ñuca yayalla, canca israelcunapajca macanacuna carrocunata charishca shina, caballocunapi tiyarij soldadocunata charishca shinami carcangui!– nishpa huacarca.

2 REYES 13:20

Eliseo huañujpi pambashca q'uipami, moabitacunaca macanacunacunahuan allichirishpa israelcunapajta shuhuangapaj shamurcacuna. Chaica huata callaripimi carca.

JOB 42:16

Jobca ungüimanta alliyashca q'uipaca, 140 huatacunahuanmi causarca. Paica, paipaj huahuacunapaj huahuacunatapish, chai huahuacunapaj huahua huahuacunatapishmi ricurca. Paica chuscu cutin nietocuna ricuringacamami causarca.

SALMOS 128:6

Cambaj huahuacunapaj huahuacunatapish ricungacamami causangui. ¡Israelpica sumaj causai tiyashca cachun!

Juan 11:3

Chai panicunami Jesuspajmanca: –Mandaj Jesús, can c'uyashca Lazaroca ungushcamari– nishpa huillachun cacharcacuna.

Hebreos 11:21

Crishcamantami Jacobpish ña huañugrishpaca, Josepaj churicunaman Dios allicunata cushca cachun nishpa, paipaj taunapi huancarishpalla Diosta adorashpa mañarca.

JOSUÉ 14:4

Josepaj ailluca Manasés aillu, Efraín aillu ishqui aillumi tucurca. Levipaj huahua huahuacunamanca tarpuna allpacunataca mana curcacunachu. Paicunamanca causanapaj pueblocunata, huagracunata, ovejacunata michina chai muyundij asha allpacunallatami curcacuna.