GÉNESIS 47:6 - Dios Rimashca Shimicunami

⁶ Tucui Egipto llajtami cambaj ñaupajpi. Cambaj yayatapish, cambaj huauquicunatapish tucuimanta yalli alli caj Gosenpi causachun mandai. Paicunapurapi q'uipu caipaj cajcunata ricui. Tiyajpica ñuca animalcunata michijcunata mandaj cachun churai– nircami.

GÉNESIS 47:6 Iomraidhean Croise

GÉNESIS 13:10

Shina nijpi Lot ricushpaca Jordán yacu pambataca achca yacu regaricushcamanta Mandaj Diospaj huerta shinata, Zoar pueblo ch'imbapurapi caj Egipto llajta shina cajtami ricurca. Chai pambaca Sodoma, Gomorra pueblocunata Mandaj Dios manaraj chingachijpimi chashna carca.

GÉNESIS 13:9

Cai tucui allpami cambaj ñaupajpi. Cunanca ñucamanta ch'icanyashpa richunmi rogani. Can lluqui maqui ladoman rijpica, ñucaca alli ladoman rishallami. Can alli maqui ladoman rijpica, ñucaca lluqui ladoman rishallami” nircami.

GÉNESIS 20:15

Abimelecca Abrahamtaca: –Ñuca llajtaca cambaj ñaupajpimi, cambaj causana maipi allicanpi causailla– nircami.

GÉNESIS 34:10

Chashna rurashpa ñucanchijhuan causashunchijlla. Cai llajtapica maipipish cancuna munashcapi causaichijlla. Imatapish c'atushpa randishpa causaichijlla– nircami.

GÉNESIS 45:10

Canpish, cambaj huahuacunapish, paicunapaj huahuacunapish, tucui animalcunandij, tucui imalla charishcacunandij cai llajtapi caj Gosenpi causanguichij. Chaipi causashpami ñucapaj c'uchullapi cangui.

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

GÉNESIS 47:11

Joseca paipaj yayamanpish, huauquicunamanpish faraón mandashca shinallatajmi Egiptopi caj ashtahuan yalli alli llajtata cushpa Ramesés pueblopi causachun churarca.

GÉNESIS 47:16

Chaimi Joseca: –Cancunapaj cullqui ña tucurishca cajpica, cancunapaj animalcunata apamuichij. Cancunapaj animalcunamantaca ñuca trigota cushallami– nirca.

GÉNESIS 47:4

Paicunaca faraontaca: –Cai llajtapi causangapajmi shamurcanchij. Canaanpica, jatun yaricai cashcamanta cambajta rurajcunapaj ovejacunata michinapish mana tiyanchu. Chaimanta cunanca cambajta ruraj ñucanchijtaca Gosenpi causachun saquichunmi roganaman shamunchij– nircapishmi.

GÉNESIS 47:5

Chaimi faraonca, Josetaca: –Cambaj yayapish, cambaj huauquicunapish canhuan tandalla cangapajmari shamushcacuna.

1 REYES 11:28

Jeroboamca c'ari c'ari imatapish rurashpataj alli caj runami carca. Salomonca Jeroboamtaca ima ruranapipish chai yuyailla tucuchingacamataj ruraj cajta ricushpami Josepaj huahua huahuacunapaj mandaj cachun mingarca.

2 CRÓNICAS 26:10

Shitashca pambapipishmi torrecunata rurarca. Achca animalcunata charishcamantami, Sefela pambacunapipish, caishuj pambacunapipish achca pugyucunata rurashpa yacutapish surcurca. Shinallataj urcucunapipish, alli p'ucuj pamba allpacunapipishmi uva chagracunatapish, shujtaj chagracunatapish achcata charirca. Paica chagracunata ruranata achcata munashcamantami, chashna rurarca.

ÉXODO 18:21

Chashna yachachishpaca tucui israelcunapurallamantataj mandai tucuipajcunata, Taita Diosta manchajcunata, imatapish cashcata rurajcunata, quiquinpajlla charij canata mana munajcunata agllashpa, shujcunataca huaranga runacunata, shujcunataca patsaj runacunata, shujcunataca pichca chunga runacunata, shujcunataca chunga runacunata mandajcuna cachun churai.

ÉXODO 18:25

Moisesca israelcunapurapi mandai tucuipaj cajcunata agllashpami, huaranga runacunata, patsaj runacunata, pichca chunga runacunata, chunga runacunata mandajcuna cachun churarca.

ÉXODO 9:10

Chaimi paicunaca hornomanta ushpata apashpa faraonpaj ñaupajpi shayarishpa ushpata Moisés jahuata tsirapajpica, gentecunapipish, animalcunapipish carachayashpa chupu tucurca.

ÉXODO 9:21

Ashtahuanpish Mandaj Dios rimashcata paicunapaj shungupi mana crijcunaca paicunapajta rurajcunatapish, animalcunatapish canllaman saquircallacunami.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

PROVERBIOS 22:29

¿Imata ruranatapish alli yachaj runa maipi cajta ricushcanguichu? Paica yanga runacunapajtaca mana ruranchu, ashtahuanpish jatun mandajpajmari imatapish ruran.

JEREMÍAS 40:4

Cunan ñucaca maquicunapi cadenacunahuan huatashca ricushcamanta cacharinimi. Ñucahuan Babiloniaman rina cambaj yuyaipi alli cajpica, ñucahuan jaculla. Cantaca alli cuidashpa pushashallami. Babiloniaman ñucahuan rina mana alli yuyachijpica, saquirilla. Cai tucui llajtapica, maipi cambaj ashtahuan alli cana cajpi, maiman rina ashtahuan alli yuyachijpica chaiman rilla.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

1 SAMUEL 21:7

Chai punllaca Saulpajta rurajcunamanta shujmi, Mandaj Diospajta rurashpa mana ri tucushca carca. Paica Saulpaj ovejacunata michijcunata mandaj, Edommanta caj Doeg shutimi carca.