GÉNESIS 47:23 - Dios Rimashca Shimicunami

²³ Joseca egipciocunataca: –Cancunataca cancunapaj allpacunandijmi, faraonpaj cachun randircani. Riqui, muyucunaca caipimi allpacunapi tarpuichij.

GÉNESIS 47:23 Iomraidhean Croise

GÉNESIS 41:27

Q'uipata llujshij p'iñanana yallitaj irqui canchis vacacunaca, canchis huatacunallatajmi. Inti llujshin ladomanta shamuj rupaj huaira japishcamanta fichuyashca canchis caspa trigopish, canchis huatacunallatajmi. Chaicunaca canchis huatata jatun yaricai tiyanatami ricuchin.

GÉNESIS 45:6

Ñamari ishqui huatacunata cai pachapica jatun yaricai tiyan. Pichca huatacunahuan yaricai tiyangarajmi. Tucui chaipimari yapuipish, cozichaipish illanga.

GÉNESIS 47:22

Curacunapaj allpacunallatami mana randirca. Curacunaca faraón cushcata japijcuna cashcamantami allpacunataca mana c'aturcacuna. Paicuna micuchunca faraonmi cuj carca.

GÉNESIS 47:24

Chai p'ucushca granocunamanta chunga costalmanta ishquitaca faraonman cunguichij. Shinallataj cancuna tarpunapajpish, cancunapaj huahuacunapajpish, cancunapaj huasipi cajcunapajpish micungapajca, chunga costalmantaca pusajta japinguichij– nircami.

SALMOS 112:5

Alli runaca llaquijmi, imatapish mañachijmi. Paipaj ima ruranacunapipish cashcata rurashpami mandan.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

PROVERBIOS 11:26

Granocunata quiquinlla tucui japishpa huaquichijtaca, tucuicunami llaqui tucushpa alli canman nincuna. Ashtahuanpish mana huaquichishpa c'atujcunataca, alli nincunami.

PROVERBIOS 12:11

Chagrata ruraj runaca sajsajta micungapajllapish charinmi. Ashtahuanpish yuyaita mana japijllami, puricujllacunataca catincuna.

PROVERBIOS 13:23

Huajchacunapaj chagraca micunapaj pajtatami p'ucun. Ashtahuanpish yachai illaimantami, ima tandanallatapish mana charincuna.

ECLESIASTÉS 11:6

Muyutaca tutamantapish tarpuilla, chishitapish ama samaricuichu. Punta tarpui cashpa, q'uipa tarpui cashpa, mana cashpaca ishqui tarpuitaj alli canataca mana yachanguichu.

ISAÍAS 55:10

Tamyapish, rasupish jahua pachamanta urmashpaca, mana chaillamantaj cutin tigranchu. Ashtahuanpish allpata nuyuchishpa granocunata p'ucuchishpami, tarpuj runaman muyuta cun. Micujmanpish tandatami cun.

Mateo 24:45

¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi, chashnataj ruraj servijmari alli runaca.

2 Corintios 9:10

Tarpuchun muyuta cuj, micunatapish caraj Diosllatajmi cancuna tarpushca chagratapish mirachinga. Cashcata ruranata tarpushcamantaca, paillatajmi ashtahuan mirachinga.