GÉNESIS 47:22 - Dios Rimashca Shimicunami

²² Curacunapaj allpacunallatami mana randirca. Curacunaca faraón cushcata japijcuna cashcamantami allpacunataca mana c'aturcacuna. Paicuna micuchunca faraonmi cuj carca.

GÉNESIS 47:22 Iomraidhean Croise

GÉNESIS 14:18

Chaipica Salem pueblota jatun mandaj Melquisedec, jahua pachapi causaj Taita Diospajta ruraj curami tandatapish, vinotapish apamurca.

GÉNESIS 41:45

Faraonca Josetaca Zafnat-paneatami shutichirca. Josepaj huarmi cachunca On pueblopi causaj Potifera curapaj ushushi Asenattami curca. Chashnami Joseca, Egiptopi causaj tucuicunata mandaj saquirirca.

GÉNESIS 41:50

Jatun yaricai huata manaraj chayamujpimi, Joseca ishqui churicunata charirca. Paicunataca On pueblopaj cura caj Potiferpaj ushushi Asenatmi huacharca.

GÉNESIS 47:21

Egipciocunataca tucuicunatami pueblocunapi causachun churarca. Egipto llajta ucupi causajcunataca tucuicunatami chashna churarca.

GÉNESIS 47:23

Joseca egipciocunataca: –Cancunataca cancunapaj allpacunandijmi, faraonpaj cachun randircani. Riqui, muyucunaca caipimi allpacunapi tarpuichij.

GÉNESIS 47:26

Joseca granocuna p'ucushcataca chunga costalmanta ishquitaca faraonman cunami nishca mandashcatami tucui Egipto llajtapi chashna churarca. Chai mandashcaca cunan punllacamami chashnallataj. Curacunapaj allpacunallami faraonpaj mana tucurca.

2 SAMUEL 8:18

Joiadapaj churi Benaiaca cereteocunata, peleteocunata mandajmi carca. Davidpaj churicunaca, q'uipa mandajcunami carca.

ESDRAS 7:24

Cancunamanca caitapishmi yachaj chayachinchij: Curacunata, levitacunata, cantajcunata, pungupi cuidajcunata, Diospaj huasipi imalla rurana cashcata rurajcunata, chai huasipi Diospajta rurajcunataca tributotapish, impuestotapish, imallamanta cuna cashcatapish pi mana mañai tucunchu.

NEHEMÍAS 13:10

Levitacunaman cuna cashcacunatapish mana cushcamanta, levitacunapish, cantajcunapish, Diospaj huasipi paicuna imalla rurana cashcata saquishpa paicunapaj quiquin allpaman tigrashca cashcatami japircani.

Mateo 10:10

Ñanpi micunapaj cucayutapish ama apanguichij. Camizatapish, pargatetapish shujtajtaca ama apanguichij. Taunatapish ama apanguichij. Imata rurajpish chaipi rurashcamantami micunata charin.

1 Corintios 9:13

Diospaj huasipi paipajllata trabajajcunaca chaimantami micuncuna, shinallataj altarpi servijcunapish chai altarmantami japincuna. Chaitaca ¿manachu yachanguichij?

Gálatas 6:6

Diospaj Shimita maijanpish yachacujca, paita yachachijman tucui imalla charishcamanta cuchun.

DEUTERONOMIO 12:19

Cancuna cai pachapi causashcacamaca, levitacunata cuidanataca amataj saquinguichijchu.

2 Tesalonicenses 3:10

Ñucanchij cancunahuan cashpaca: Maijanpish mana trabajasha nijca ama micuchun nishpami mandarcanchij.

1 Timoteo 5:17

Tandanacushca crijcunata alli mandaj ancianocunaca, ishquiman cuna cashcata japichun. Ashtahuantajca huillana yuyailla, yachachina yuyailla cajcuna chashna japichun.