GÉNESIS 47:19 - Dios Rimashca Shimicunami

¹⁹ Ñucanchijpish ñucanchij allpacunapish ¿maitataj cambaj ñaupajpica chingarishunyari? Chaipaj randica ñucanchijtapish, ñucanchij allpacunatapish trigohuan randilla. Ñucanchijpish ñucanchij allpacunapish faraonpajta rurajcunami cashun. Ñucanchij ama huañuchun, llajtapish ama shitashca saquichunca granocunata cuhuai– nircacunami.

GÉNESIS 47:19 Iomraidhean Croise

GÉNESIS 41:36

Granocunata huaquichinacunapica cai Egiptopi canchis huatacunata jatun yaricai tiyanapaj pajtata huaquichi. Chaimi cai llajtapi causajcunaca jatun yaricaipi mana huañungacuna– nircami.

GÉNESIS 47:15

Egipciocunapish, cananeocunapish cullqui ña tucurijpimi, tucui egipciocunaca Josepajman shamushpaca: –Cullqui tucurishcallamantaca ¿maitataj cambaj ñaupajpi yaricaihuan huañushunri? Micunata cuhuai– nircacuna.

GÉNESIS 47:18

Chai huata ña tucurijpi cati huatapish cutinllataj Josepajman shamushpami paitaca: –Ñucanchij amomanca mana llullanchijchu. Cullquipish tucurintajmi. Ñucanchij animalcunapish ñami tucui can ñucanchij amopaj. Ñucanchij amo canmanca imata caita cushun mana ni tucunchijchu. Tucui ñucanchijca, ñucanchij allpacunandijllami cambaj ñaupajpi saquirishcanchij.

GÉNESIS 47:20

Chashnami Joseca, Egipto llajta allpacunataca tucuita faraonpaj cachun randirca. Egipciocunaca yallitaj ashtahuan jatun yaricai llaqui cajpimi, tucuicuna paicunapaj allpacunataca chashna c'aturcacuna. Chashnami allpacunaca faraonpaj tucurca.

JOB 2:4

Chashna nijpimi Satanasca, Mandaj Diostaca cashna nirca: –Runaca, carapuraca cambiangallatajmari. Mana huañusha nishpaca, tucui charishcahuanmi paipaj causaitaca quishpichisha ninman.

LAMENTACIONES 1:11

Jerusalenpi causajcunaca, tucuicunami micunata mashcashpa huacaihuan purircacuna. Yaricaihuan ama huañungapajllamari paicuna ima sumajcunata charishcataca asha micunamanta tucui curcacuna. Mandaj Dioslla, ñuca cashna llaquinayaj tiyacujtaca ricuhuayari.

LAMENTACIONES 5:6

Ñucanchij huijsa micunapajpish, Egipto llajta, Asiria llajta runacunatami maquita chutashpa mañanchij.

LAMENTACIONES 5:9

Ñucanchij micunata apamunaman llujshirishpapish, shitashca pambacunapi chapashpa huañuchijcuna japishpa espadahuan huañuchina manchaimi purij carcanchij.

Mateo 16:26

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari? Paipaj almata quishpichingapajca ¿imatashi cunga?