GÉNESIS 47:16 - Dios Rimashca Shimicunami

¹⁶ Chaimi Joseca: –Cancunapaj cullqui ña tucurishca cajpica, cancunapaj animalcunata apamuichij. Cancunapaj animalcunamantaca ñuca trigota cushallami– nirca.

GÉNESIS 47:16 Iomraidhean Croise

GÉNESIS 47:15

Egipciocunapish, cananeocunapish cullqui ña tucurijpimi, tucui egipciocunaca Josepajman shamushpaca: –Cullqui tucurishcallamantaca ¿maitataj cambaj ñaupajpi yaricaihuan huañushunri? Micunata cuhuai– nircacuna.

GÉNESIS 47:17

Chaimi paicunaca paicunapaj animalcunata Josepajman apamurcacuna. Joseca paicunapaj caballocunamanta, ovejacunamanta, vacacunamanta, burrocunamantaca micunacunatami curca. Tucui chai huataca Joseca paicunapaj animalcunamantami micunata curca.

PROVERBIOS 12:17

Mana llullaj runaca imata ricushpapish, cashcallatami huillan. Ashtahuanpish llullaj runaca, llullashpallami huillan.

1 Corintios 10:32

Judiocunapajpish, mana judiocunapajpish, Diospaj tandanacushca crijcunapajpish ama ñitcana caichijchu.

Filipenses 4:8

Caillahuanmi nisha nini huauquicuna, tucui imapipish mana llulla canata, tucuipi alli canata, tucuipi cashcata ruraj canata, tucuipi chuya canata, tucuipi c'uyashca canata, tucuipi allimi nishca canata yuyaichij. Chashna imapipish alli nishca, alabashca cashca cashpaca, chashna cana yuyailla caichij.

Colosenses 4:5

Yachaj cashcamanta, mana crijcunahuanca alli caichij. Paicunaman huillanalla cajpica huillaichijlla.