GÉNESIS 47:14 - Dios Rimashca Shimicunami

¹⁴ Egipciocunapish, cananeocunapish Joseman granocunata randishpa cushca cullquitaca, Joseca tucuita japishpami faraonpaj huasipi huaquichirca.

GÉNESIS 47:14 Iomraidhean Croise

GÉNESIS 41:56

Jatun yaricaica, tucui Egipto llajtata mirarishpa catijpimi, Joseca maillapi trigota huaquichishcata pascashpa egipciocunaman c'aturca. Egiptopi jatun yaricai cajpimi chashna carca.

GÉNESIS 41:57

Tucui shujtaj llajtacunapipish jatun yaricai cashcamantami tucui llajtacuna Egiptopi Joseman granocunata randinaman shamurcacuna.

GÉNESIS 47:15

Egipciocunapish, cananeocunapish cullqui ña tucurijpimi, tucui egipciocunaca Josepajman shamushpaca: –Cullqui tucurishcallamantaca ¿maitataj cambaj ñaupajpi yaricaihuan huañushunri? Micunata cuhuai– nircacuna.

PROVERBIOS 11:26

Granocunata quiquinlla tucui japishpa huaquichijtaca, tucuicunami llaqui tucushpa alli canman nincuna. Ashtahuanpish mana huaquichishpa c'atujcunataca, alli nincunami.

1 Corintios 4:2

Maijanmanpish imata rurachun mingashcataca, allita rurashpa pajtachij cashcatami ricusha nin.

1 Pedro 4:10

Tucuicunami Diosmantaca ch'ican ch'ican rurai tucunata chasquircanguichij. Chai rurai tucunahuanca caishuj chaishujpaj allita ruraichij. Chashna cashpami, Diospaj mana c'uyaipajta c'uyashpa cushca tucui laya ruraicunataca alli apanguichij.