GÉNESIS 47:13 - Dios Rimashca Shimicunami

¹³ Tucui llajtacunapimi ima micuna mana tiyarca. Yallitaj jatun yaricai tiyashcamantami Egiptopipish, Canaanpipish yaricaihuan huañunalla tucurcacuna.

GÉNESIS 47:13 Iomraidhean Croise

GÉNESIS 41:36

Granocunata huaquichinacunapica cai Egiptopi canchis huatacunata jatun yaricai tiyanapaj pajtata huaquichi. Chaimi cai llajtapi causajcunaca jatun yaricaipi mana huañungacuna– nircami.

1 REYES 18:5

Acabca Abdiasta cayashpaca: –Tucui cai llajtapi tiyaj yacu pugyu tiyancunapipish, yacu huaicucunapipish q'uihuacuna tiyanpishchari ricumugri. Caballocunata, mulacunata chaicunapi michishpa animalcuna illajlla ama saquiringapaj– nircami.

JEREMÍAS 9:12

¿Imamantataj cai llajtapi tucui ima tiyashcacunaca chingachishca cangari? ¿Imamantataj shitashca pamba shina saquirinri? Cunanca maijan purishpallapish, mana ricurinca. ¿Pitaj imamanta cashna tucushcata yachaipaj alli yuyaiyuj canguichigari? Caishujcunaman huillachun Mandaj Diosca ¿maijanman imata huillarcachu imatagari?

LAMENTACIONES 4:9

Allpapi p'ucuj ima grano illashcamantami, yaricaihuan allimanta chaquishpa huañurcacuna. Espadapi huañujcunarajmi, mana paicuna shina llaquita aparcacuna.

Hechos 7:11

Chai punllacunallapitajmi tucui Egipto llajtapipish, cai Canaán llajtapipish yaricai, jatun llaquicunapish tiyarca. Chaimi ñucanchij ñaupa yayacunaca cai llajtapica ima micunata mana charircacuna.