GÉNESIS 47:12 - Dios Rimashca Shimicunami

¹² Joseca paipaj yayamanpish, huauquicunamanpish, paipaj yayapaj huasi ucupuracunamanpish mashna cashcapaj pajtatami micunata caraj cararca.

GÉNESIS 47:12 Iomraidhean Croise

GÉNESIS 45:10

Canpish, cambaj huahuacunapish, paicunapaj huahuacunapish, tucui animalcunandij, tucui imalla charishcacunandij cai llajtapi caj Gosenpi causanguichij. Chaipi causashpami ñucapaj c'uchullapi cangui.

GÉNESIS 45:11

Chaillapi cajpimi pichca huatacunahuan yaricai tiyai huatacunapica canmanpish, cambaj huasi ucupuramanpish, tucui canhuan cajcunamanpish yaricaihuan ama huañuchun carasha ninmi ninguichij.

GÉNESIS 45:7

Cancunapaj huahua huahuacuna q'uipa punllacunapi cai pachapi causajcuna tiyachun. Cancunatapish cancunapaj huahua huahuacunatapish causaita quishpichingapajmi Taita Diosca ñucataraj caiman ñaupachishpa cacharca. Chashnami Taita Diosca ima shinapish quishpichinataj tucushca.

GÉNESIS 47:1

Faraonpajman José rishpaca: “Ñuca yayapish, ñuca huauquicunapish paicunapaj ovejacunandij, vacacunandij, tucui imalla charishcacunandijmi Canaanmanta shamushca. Paicunaca Gosenpimi” nishpami huillarca.

GÉNESIS 47:21

Egipciocunataca tucuicunatami pueblocunapi causachun churarca. Egipto llajta ucupi causajcunataca tucuicunatami chashna churarca.

GÉNESIS 47:24

Chai p'ucushca granocunamanta chunga costalmanta ishquitaca faraonman cunguichij. Shinallataj cancuna tarpunapajpish, cancunapaj huahuacunapajpish, cancunapaj huasipi cajcunapajpish micungapajca, chunga costalmantaca pusajta japinguichij– nircami.

GÉNESIS 50:21

Cunanca ama manchaichijchu. Cancunamanpish, cancunapaj huahuacunamanpish ñucami carasha– nishpami, Joseca paipaj huauquicunataca shunguman yaicujta rimashpa cushichirca.

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

ISAÍAS 22:24

Paipaj yayapaj huasipi alli nishca, jatun nishca canataca paipimi tucuita huarcunga. Churicunapish, nietocunapish uchilla vasocunamanta, uchilla tasacunamanta callarishpaca jatun tasacunacamami paipi huarcuringacuna ninmi.

1 Tesalonicenses 2:7

Ashtahuanpish shuj mama paipaj quiquin huahuacunata c'uyashpa cuidaj shinami, cancunahuan cashpaca c'uyaihuan sumajta charircanchij.

1 Timoteo 4:8

Aichata cuyuchinapish, asha allimi. Ashtahuanca Taita Dios yuyailla canami tucuipaj alli. Paimi cai causaipajpish, shamuj causaipajpish cusha nishcata charin.

1 Timoteo 5:4

Ashtahuanpish maijan viuda huahuacunata, nietocunata charijpica, paicunaraj quiquinpura cashcamanta, ayudanata yachachun. Paicunata huiñachishcamanta yaya mamaman tigrachij cachun yachachingui. Chashna rurachunmi Taita Diosca munan.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

RUT 4:15

Cai huahuami cambaj alma llaquihuan huañucujtaca cushichinga. Can yuyaj cajpipish, paimi cuidanga. Cambaj nueraca canta c'uyashcamantami cai huahuataca huachashca. Paica can canchis churicunata charishcatapish ashtahuan yalli allimari– nircacunami.