GÉNESIS 47:11 - Dios Rimashca Shimicunami

¹¹ Joseca paipaj yayamanpish, huauquicunamanpish faraón mandashca shinallatajmi Egiptopi caj ashtahuan yalli alli llajtata cushpa Ramesés pueblopi causachun churarca.

GÉNESIS 47:11 Iomraidhean Croise

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

GÉNESIS 47:27

Israelcunaca Egiptopica Gosenpi allpacunata japishpami chaipi causarcacuna. Chaipimi paicunaca yallitaj achcata mirarircacuna.

GÉNESIS 47:6

Tucui Egipto llajtami cambaj ñaupajpi. Cambaj yayatapish, cambaj huauquicunatapish tucuimanta yalli alli caj Gosenpi causachun mandai. Paicunapurapi q'uipu caipaj cajcunata ricui. Tiyajpica ñuca animalcunata michijcunata mandaj cachun churai– nircami.

ÉXODO 1:11

Chashna nishpaca, israelcunata yallitaj llaquichishpa trabajachichunmi millai mandajcunata churarcacuna. Chaicunaca Pitón, Ramesés pueblocunatami faraonpaj imallacunata huaquichinapaj cachun shayachichishpa trabajachircacuna.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ISAÍAS 22:24

Paipaj yayapaj huasipi alli nishca, jatun nishca canataca paipimi tucuita huarcunga. Churicunapish, nietocunapish uchilla vasocunamanta, uchilla tasacunamanta callarishpaca jatun tasacunacamami paipi huarcuringacuna ninmi.

NÚMEROS 33:3

Israelcunaca Egiptopi caj Ramesés pueblomantaca, huata callari punta quillapi, chai quillapaj chunga pichca punllapimi llujshimurcacuna. Paicunaca Pascua cayandij punllami tucuita rurai tucuj maquihuan llujshichijpi egipciocuna ricucujllapitaj llujshimurcacuna.

Juan 10:10

Shuhuaca, shuhuangapaj, huañuchingapaj, tucuchingapajllami shamun. Ñucaca causaita charichun, yallitaj charichunmi shamurcani.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 14:2

Ñuca Yayapaj huasipica, causanaca achcami tiyan. Mana tiyajpica cancunaman huillaimanmi carcani. Cunanca cancuna causanata allichingapajmi rigrini.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.