GÉNESIS 47:1 - Dios Rimashca Shimicunami

¹ Faraonpajman José rishpaca: “Ñuca yayapish, ñuca huauquicunapish paicunapaj ovejacunandij, vacacunandij, tucui imalla charishcacunandijmi Canaanmanta shamushca. Paicunaca Gosenpimi” nishpami huillarca.

GÉNESIS 47:1 Iomraidhean Croise

GÉNESIS 45:10

Canpish, cambaj huahuacunapish, paicunapaj huahuacunapish, tucui animalcunandij, tucui imalla charishcacunandij cai llajtapi caj Gosenpi causanguichij. Chaipi causashpami ñucapaj c'uchullapi cangui.

GÉNESIS 45:16

Josepaj huauquicuna shamushcata faraonpish, faraonpajta rurajcunapish yachaj chayashpaca cushicurcacunami.

GÉNESIS 46:28

Jacobca paipaj churi José Gosenpi tupanaman shamuchunmi Judata ñaupachishpa cacharca. Paicunaca Gosenmanmi chayarca.

GÉNESIS 46:31

Chaipimi Joseca paipaj huauquicunatapish, paipaj yayapaj huasi ucupuracunatapish: –Cunanca faraonpajman huichiyashpami yachaj chayachigrini. Paimanca: Canaanpi caj ñuca huauquicunapish, ñuca yayapaj tucui huasi ucupuracunapishmi ñucapajman shamushcacuna.

GÉNESIS 46:34

cancunaca: Cambajta ruraj ñucanchijca ñucanchij ñaupa yayacuna shinallataj huambramantapacha animalcunata michishpa huiñachishpa causajcunami canchij nishpa huillanguichij. Chashna nishpallami, Gosenpica causai tucunguichij. Egipciocunapajca ovejacunata michij canaca yallitaj millananami– nishpami yachachirca.

ÉXODO 8:22

Chai punllacunapica ñuca agllashcacuna causacun Gosén llajtataca ñucapajllami ch'icanchisha. Chaimanta chai llajtapica nima laya chuspicuna mana yaicungachu. Mandaj Dios ñucataj israelcuna causacunpi cashcata yachachunmi chashna rurasha.

ÉXODO 9:26

Israelcuna causan Gosén llajtallapimi runduca mana urmarca.

Hebreos 2:11

Jucha illajta rurajpish, jucha illajta rurashcacunapish tucuicunami shuj Yayapajlla. Chaimantami Jesusca ñucanchijtaca huauquicuna ninataca mana pinganachin.