GÉNESIS 46:3 - Dios Rimashca Shimicunami

³ Chaipimi Taita Diosca: –Ñucaca cambaj yayapaj Taita Diosmi cani. Egiptoman uriyanataca ama manchaichu. Chaipimi canmantaca jatun llajtata rurasha.

GÉNESIS 46:3 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 18:18

Abrahamca imatapish rurai tucuj jatun llajtami tucunga. Paimantami cai pachapi tiyaj tucui llajtacunapish alli nishca cangacuna.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 47:27

Israelcunaca Egiptopica Gosenpi allpacunata japishpami chaipi causarcacuna. Chaipimi paicunaca yallitaj achcata mirarircacuna.

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

GÉNESIS 48:19

Ashtahuanpish paipaj yayaca mana chashna rurasha nishpami Josetaca: –Ari, huahua chaitaca yachanillatajmi, Manasespaj huahua huahuacunapish achcallataj miraringacunaca. Shina cajpipish paipaj q'uipa huauqui Efrainmi tucui imapipish yalli canga. Paipaj huahua huahuacunami ashtahuan mirarishpa jatun llajtacuna tucunga– nircami.

ÉXODO 1:12

Chashna yallitaj llaquichijpipish israelcuna ashtahuan, ashtahuan mirarijpimi, egipciocunaca israelcunataca achcata mancharcacuna.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

JEREMÍAS 40:9

Paicuna shamujpica, Safanpaj churi caj Ahicampaj churi Gedaliasca paicunatapish, paicunapaj soldadocunatapish cashnami nirca: “Caldeocunata servishpa causanataca ama manchaichijchu. Babilonia llajtata jatun mandajta servishpa cai ñucanchij llajtallapitaj causaichijlla, ima mana tucunguichijchu.

Hechos 27:24

Chai angelmi ñucataca: “Pablo, ama manchaichu. Canca Cesarpajman chayanatajmi cangui. Canmantaca tucui canhuan rijcunatami Taita Diosca, huañuimanta quishpichisha ninmi” nirca.

Hechos 7:17

Abrahamman cai llajtata Taita Dios cusha nishca punllacuna pajtamugrijpica, israelcunaca Egiptopica achcatami mirarircacuna.

DEUTERONOMIO 1:10

Mandaj Dios cancunapaj Taita Diosmi cancunataca yallitaj mirachishca. Chaimantami cunan cancunaca jahua pachapi tiyaj luzerocuna shina yallitaj achcacuna canguichij.

DEUTERONOMIO 10:22

Cancunapaj ñaupa yayacunaca, Egiptomanca canchis chungacunallami yaicurcacuna. Ashtahuanpish cunanca Mandaj Diosca cancunataca jahua pachapi caj luzerocunata shina achcatami mirachishca.

DEUTERONOMIO 26:5

Chaipica, Mandaj Dios cancunapaj Taita Diospaj ñaupajpi cashna ninguichij: Ñucanchij ñaupa yayaca arameo maiman chayanata mana yachashpa chingarinalla puricushpami, paica Egipto llajtaman uriyashpa ashalla runacunahuan chaipi causarca. Chaipimi achcata mirarishpa c'ari c'ari yallitaj achca jatun mama llajta tucurca.