GÉNESIS 45:6 - Dios Rimashca Shimicunami

⁶ Ñamari ishqui huatacunata cai pachapica jatun yaricai tiyan. Pichca huatacunahuan yaricai tiyangarajmi. Tucui chaipimari yapuipish, cozichaipish illanga.

GÉNESIS 45:6 Iomraidhean Croise

GÉNESIS 37:2

Jacobpaj huahua huahua callari yayacunamanta parlashcaca cashnami: Joseca chunga canchis huatacunayuj cashpami, paipaj huauquicunahuan ovejacunata michishpa purij carca. José mosoca Bilha, Zilpa caishuj huarmicunapi paipaj yaya Jacob charishca churicunahuan purishpami, paipaj huauquicuna mana allita rurashcataca, yaya Jacobman huillaj carca.

GÉNESIS 41:35

Alli granocunata p'ucucui huatacunapi tandashca granocunataca llajtacunapi causajcuna micunapaj cachun tucuita tandachishpa can faraonpaj maquipi churai.

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

GÉNESIS 41:53

Egiptopi canchis huatacunata alli granocunata p'ucucushca tucurishpaca,

GÉNESIS 41:54

José huillashca shinallataj canchis huata jatun yaricaimi callarirca. Tucui llajtacunapimi jatun yaricai tiyarca. Ashtahuanpish Egiptopica micunaca tiyarcami.

GÉNESIS 41:56

Jatun yaricaica, tucui Egipto llajtata mirarishpa catijpimi, Joseca maillapi trigota huaquichishcata pascashpa egipciocunaman c'aturca. Egiptopi jatun yaricai cajpimi chashna carca.

GÉNESIS 47:18

Chai huata ña tucurijpi cati huatapish cutinllataj Josepajman shamushpami paitaca: –Ñucanchij amomanca mana llullanchijchu. Cullquipish tucurintajmi. Ñucanchij animalcunapish ñami tucui can ñucanchij amopaj. Ñucanchij amo canmanca imata caita cushun mana ni tucunchijchu. Tucui ñucanchijca, ñucanchij allpacunandijllami cambaj ñaupajpi saquirishcanchij.

GÉNESIS 47:23

Joseca egipciocunataca: –Cancunataca cancunapaj allpacunandijmi, faraonpaj cachun randircani. Riqui, muyucunaca caipimi allpacunapi tarpuichij.

ÉXODO 34:21

Sujta punllacunata trabajangui. Tarpui punllacunapipish, cozicha punllacunapipish samana punllapica samaringui.

ISAÍAS 30:24

Cancunapaj yapuj huagracunapish, burrocunapish palahuan aventashca jarnerohuan shushushca chuya granotami micunga.

DEUTERONOMIO 21:4

chai pueblomanta caj cunaj yuyajcuna, nunca mana yapushca, mana tarpushca, achca yacu llujshicuj pambaman apamushpa chaipi cungata p'aquingacuna.

1 SAMUEL 8:12

Maijancunataca, huaranga soldadocunata mandajcuna cachun, pichca chunga soldadocunata mandajcuna cachun, paipaj allpacunapi yapujcuna cachun, paipaj chagrapi cozichajcuna cachunmi churanga. Maijancunataca macanacunacunata rurajcuna cachun, macanacunapaj carropaj imalla minishtirishcacunata rurajcuna cachunmi churanga.