GÉNESIS 45:3 - Dios Rimashca Shimicunami

³ Joseca paipaj huauquicunataca: –Ñucaca Josemi cani. Ñuca yayaca causacunrajchu– nijpi, paipaj huauquicunaca paipaj ñaupajpi yallitaj musparishca cashcamanta imata mana ni tucurcacunachu.

GÉNESIS 45:3 Iomraidhean Croise

GÉNESIS 37:20

Cunanca, pai muscushca ima shina pajtajta ricungapaj c'amachij huañuchishpa jutcupi shitashunchij. Yayamanca: Sacha animalmi micushca canga nishunllami– nircacuna.

GÉNESIS 42:21

Chaipimi paicunaca caishuj chaishuj: –Ñucanchij huauquita llaquichishpaca juchayujtajmi tucushcanchij. Paica llaquijlla ñahuimari ñucanchijtaca ama chashna rurahuaichijchu nirca. Ashtahuanpish ñucanchijca mana uyarcanchijchu. Chaimari tucui cai llaquicunaca ñucanchij jahuaman shamushca– nircacuna.

GÉNESIS 42:22

Chaimi Rubenca: –¿Manachu ñucaca cai huambrata llaquichishpa ama juchallichijchu nircani? Ashtahuanpish cancuna mana uyashcamantami, cunanca paipaj yahuar ñucanchijta llaquichichun mañacun– nirca.

GÉNESIS 43:27

Chaimi Joseca paicunataca: –¿Allillachu canguichij? Ñucaman huillashca cancunapaj yuyaj yayaca ¿allillachu, causacunrajchu?– nirca.

JOB 23:15

Chaimantami paipaj ñaupajpica, ñucaca mancharini. Pai ima shina cashcata yuyarishpaca chujchunimi.

JOB 4:5

Ashtahuanpish cunan canta jatun llaqui japijpica, yallitajmari llaquiringui. Chai jatun llaquicuna canta japijpica, yallitajmari musparingui.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Marcos 6:50

Tucuicuna ricushcamantami achcata mancharircacuna. Chaimi Jesusca paicunataca: –¡Ñucamari cani! Ama mancharichijchu fuerzarichij– nirca.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Hechos 7:13

Josepaj huauquicuna q'uipata rijpimi Joseca paicunapaj huauqui cashcata yachaj chayachirca. Chaipimi Faraonpish Josetaca pi familiamanta cashcata yachaj chayarca.

Hechos 9:5

Sauloca: –Amito ¿Pitaj cangui?– nijpi chai rimajca: –Ñucaca, can p'iñashpa llaquichina yuyailla llaquichicun Jesusmi cani. Garrucha puntapi huagra jaitashpa chugririj shinami canllataj llaqui tucucungui– nircami.

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.