GÉNESIS 45:1 - Dios Rimashca Shimicunami

¹ Chaimi Joseca huacanai atijpi tucui chaipi cajcunapaj ñaupajpi mana huacai tucushpaca: “Ñuca ñaupajmanta tucuicunata llujshichi” nishpa caparirca. Ña pi mana chaipi cajpimi, Joseca paipaj huauquicunamanca paicunapaj huauqui cashcata huillarca.

GÉNESIS 45:1 Iomraidhean Croise

GÉNESIS 42:24

Ashtahuanpish Joseca paicunamanta ch'icanyashpami huacarca. Paicunapajman tigrashpa paicunahuan rimashpaca paicuna ricucujpimi Simeonta prezu japirca.

GÉNESIS 44:34

Ñucaca ñuca yayapajmanca Benjamín illajllaca maitataj tigrashari. Ñuca huauqui illajlla tigrajpi ñuca yaya llaquinayaj tucujtaca mana ricugrisha ninica– nircami.

2 SAMUEL 1:20

Circuncisionta mana rurashcacunapaj ushushicuna cushicushpa ama tushuchun, filisteocunapaj ushushicunapish ama cushicuchun, Gat pueblopica ama huillanguichijchu. Ascalón plazacunapipish ama parlanguichijchu.

2 SAMUEL 13:9

Chaipimi sartenmanta tortillacunata llujshichishpa Amnonpaj ñaupajpi churarca. Amnonca mana micusha nishpami, ashtahuanpish tucui chai ucupi cajcunataca canllaman llujshichun mandajpi tucuicuna canllaman llujshircacuna.

ISAÍAS 42:14

Ñucaca achca huatacunatami upalla carcani. Imata mana nishpa upalla carcanillami. Cunanca huachacuj huarmi shinami caparigrini. Chashnami tucuita chingachigrini, tucuita millpugrini.

JEREMÍAS 20:9

Ñucaca: “Mandaj Diostaca mana ashtahuan yuyarishpa, paimanta ña ama ashtahuan huillasha” yuyarcanipishmi. Shina cajpipish cambaj shimica ñuca shungupica, tullucama nina rupachij shinami tucurca. Ñuca shungullapi charisha yuyashpapish manataj upajlla saquiri tucurcanichu.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Mateo 18:15

Chaimanta cambaj huauqui canta llaquichishpa juchallijpica, paillahuan parlashpa chai mana allita rurashcata yuyachishpa rimangui. Can rimashcata pai uyajpica, canmi paitaca Diospajman tigrachingui.

Hechos 10:41

Mana tucuicunaman ricurircachu. Tucui imallata ricushcata huillachun Taita Dios ñaupaman agllashca ñucanchijllamanmi ricurirca. Huañushcacunapaj chaupimanta causarishca q'uipaca, ñucanchijca paihuanmi micurcanchij, ubyarcanchij.

Hechos 7:13

Josepaj huauquicuna q'uipata rijpimi Joseca paicunapaj huauqui cashcata yachaj chayachirca. Chaipimi Faraonpish Josetaca pi familiamanta cashcata yachaj chayarca.

1 Corintios 13:5

Maipish cachun mana imata ruranchu, mana paipajlla mashcanchu, mana yallitaj p'iñarijchu, llaquichijpipish mana yuyaipi charicunllachu.