GÉNESIS 44:2 - Dios Rimashca Shimicunami

² Tucuicunapaj q'uipa huauquipaj costal shimipica ñuca cullqui copata, trigomanta pagashca cullquindij churangui– nijpica, chai mayordomoca José mandashca shinallatajmi rurarca.

GÉNESIS 44:2 Iomraidhean Croise

GÉNESIS 42:20

Cancuna tigramushpaca tucuicunapaj q'uipa huauquita pushamunguichij. Chaimi cancuna nishcaca chashnataj cajpi mana huañunguichij– nijpimi paicunaca chashna ruranata ari nircacuna.

GÉNESIS 42:25

Chai q'uipami Joseca, paipajta rurajcunataca: –Paicunapaj costalcunapi trigota jundachichij. Trigomanta pagashca cullquitapish cada quiquinpaj costalcunapi churanguichij. Ñanpi micuchun cucayutapish cachanguichij– nijpica, pai nishca shinami rurarcacuna.

GÉNESIS 43:32

Josemanca shujtaj mezapi, paipaj huauquicunamanpish shujtaj mezapi, Josepaj huasipi micuj egipciocunamanpish shujtaj mezapimi cararcacuna. Egipciocunapajca hebreocunahuan micunaca millanana cajpimi, mana chai mezallapitaj tandanacushpa micurcacuna.

GÉNESIS 44:1

Chai q'uipami, Joseca paipaj mayordomotaca: –Cai runacunapaj costalcunapica, mashnata apashcata tucui costalcunapi trigota jundachi. Trigomanta pagashca cullquitapish tucuicunapaj costal shimipi churangui.

GÉNESIS 44:12

Chaimi mayordomoca punta huauquipaj costalmanta callarishpa mashcashpaca, tucuicunapaj q'uipa huauqui Benjaminpaj costalpi chai copataca japirca.

GÉNESIS 44:3

Cayandij tutamantaca Josepaj huauquicunaca caya minchacama nijpica paicunapaj burrocunandij rircallacunami.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

2 Corintios 8:8

Chashna nishpaca, mana mandanichu. Ashtahuanpish shujtajcuna achcata cushicushpa cushcata yachachun, tucui shunguhuan cancuna c'uyashcata ricuchingapajpishmi chashnaca nini.

DEUTERONOMIO 13:3

Diosmanta huillajmi cani nij huillashcatapish mana cashpaca muscuipi ricushcatami huillani nijtaca amataj uyanguichijchu. Cancunapaj tucui shunguhuan, tucui almahuan Mandaj Dios cancunapaj Taita Diosta c'uyaj cashcata mana c'uyaj cashcata yachangapajmi Mandaj Dios cancunapaj Taita Diosca chaicuna chashna rurachunca saquinga.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.