GÉNESIS 43:8 - Dios Rimashca Shimicunami

⁸ Judaca, paipaj yaya Israeltaca: –Ñucanchijpish, canpish, ñucanchij huahuacunapish yaricaihuan ama huañungapajca, Benjaminta ñucahuan cachailla micunata utca randimugringapaj.

GÉNESIS 43:8 Iomraidhean Croise

GÉNESIS 42:2

Ñucaca Egiptopi granocuna tiyan nijtami uyani. Yaricaihuan ama huañungapajca chaiman uriyashpa granocunata ñucanchijpaj randimugrichij” nirca.

GÉNESIS 42:38

Shina nijpi Jacobca: –Ñuca churica cancunahuanca manataj ringachu. Paipaj huauqui Josepish huañujpi, paillami saquirirca. Cancuna Benjaminta pushashpa ricujpi ñanpi ima llaquipish tucujpica, ñucaca yuyaj cashcamanta seolman utca rijpica cancunapaj jahuami canga– nircami.

GÉNESIS 44:20

Chaimi ñucanchijca can ñucanchij amomanca: Yayatapish charinchijmi. Paica ña yuyajmi. Ñucanchij yaya ña yuyaj cajpi huacharishca, tucui ñucanchijpaj q'uipa huauquitapish charinchijmi. Paipaj quiquin mamamanta shuj huauquica ñami huañurca. Chaimanta pailla cajpi yayaca, paitaca achcatami c'uyan nircanchijmi.

GÉNESIS 44:26

Chaimi ñucanchijca ñucanchij yayamanca: Ñucanchij q'uipa huauqui Benjamín ñucanchijhuan mana rijpica mana rishunchu. Paita mana pushashpaca, chai amopica mana ricurigri tucunchijchu nircanchij.

GÉNESIS 45:19

Chaimanta cunanca caita rurai: Huahuacunata, huarmicunata pushamungapajca cai Egiptomanta carrocunata apashpa rishpa cancunapaj yayata pushamuchun mandai.

GÉNESIS 50:21

Cunanca ama manchaichijchu. Cancunamanpish, cancunapaj huahuacunamanpish ñucami carasha– nishpami, Joseca paipaj huauquicunataca shunguman yaicujta rimashpa cushichirca.

GÉNESIS 50:8

Josepaj huasi ucupuracunapish, paipaj yayapaj huasi ucupuracunaca tucui huauquicunami paihuan huichiyarcacuna. Gosenpica paicunapaj uchilla huahuacunata, paicunapaj ovejacunata, paicunapaj huagracunallatami saquishpa rircacuna.

2 REYES 7:13

Shina nijpimi, paipajta rurajcunamanta shuj runaca: –Shinashpaca, cai pueblopi manaraj huañushca caballocunamanta pichca caballocunapi maijancunata ricunaman cachashunri. Huañujpipish causajpipish, ima mana cangachu. Tucuicunami huañuncuna ñucanchijpish huañushunllatajmi– nirca.

2 REYES 7:4

Puebloman yaicushpapish jatun yaricai tiyashcamantaca chaipipish huañushunllatajmi. Caipi tiyacushpallapish huañushunllatajmi. Chaipaj randica, sirio soldadocuna tiyacun carpa huasicunaman jacuchij. Paicuna mana huañuchijpica causashunmi, paicuna huañuchijpica huañushunllatajchari– ninacurcacuna.

ESDRAS 8:21

Ahava jatun yacu c'uchullapitaj cashpami, ñucanchijtapish, ñucanchij huahuacunatapish, ñucanchij imalla charishcacunandij ñanta Dios alli pushachun, paipaj ñaupajpi llaquirishca shunguhuan paita mañangapaj ayunashunchij nishpa mandarcani.

SALMOS 118:17

Mana huañushachu, ashtahuanpish causashamari. Mandaj Dios imalla rurashcacunataca huillashamari.

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

NÚMEROS 14:31

Cancunaca ñucanchij huahuacunataca macanacuipi mishashpami japinga nircanguichijmi. Ashtahuanpish paicunatami ñucaca chai llajtaman yaicuchisha. Mana alli llajtachu nishpa cancuna mana nishca llajtataca paicunami rijsingacuna.

DEUTERONOMIO 33:6

Rubén causacuilla, canca mana huañunguichu. Paipaj ailluca mana yupaipaj cashca cachun” nircami.