GÉNESIS 43:5 - Dios Rimashca Shimicunami

⁵ Ashtahuanpish Benjaminta ñucanchijhuan mana cachajpica, mana uriyashunchu. Chai mandajca: Cancunapaj q'uipa huauquita mana pushamushpaca, ñuca ñahuipica amataj ricuringuichij nircami– nirca.

GÉNESIS 43:5 Iomraidhean Croise

GÉNESIS 42:15

Cancuna nishca chashnataj cashcataca caita rurashpami yachasha: ¡Tucui cancunapaj q'uipa huauqui shamungacama, caimantaca manataj llujshinguichijchu. Faraonpaj shutipimi chashna nini!

GÉNESIS 42:20

Cancuna tigramushpaca tucuicunapaj q'uipa huauquita pushamunguichij. Chaimi cancuna nishcaca chashnataj cajpi mana huañunguichij– nijpimi paicunaca chashna ruranata ari nircacuna.

GÉNESIS 42:38

Shina nijpi Jacobca: –Ñuca churica cancunahuanca manataj ringachu. Paipaj huauqui Josepish huañujpi, paillami saquirirca. Cancuna Benjaminta pushashpa ricujpi ñanpi ima llaquipish tucujpica, ñucaca yuyaj cashcamanta seolman utca rijpica cancunapaj jahuami canga– nircami.

GÉNESIS 43:3

Chaimi Judaca: –Chai mandajca ñucanchijtaca: Cancunapaj q'uipa huauquita cancunahuan mana pushamushpaca, ñuca ñahuipica amataj ricuringuichij nishpami sinchita p'iñarishpa rimarca.

GÉNESIS 43:4

Cunanca ñucanchij huauqui Benjaminta ñucanchijhuan cachajllapimi, granocunata randinamanca uriyashun.

GÉNESIS 43:6

Chaimi Israelca: –Ñucanchijca q'uipa huauquita charinchijmi nishpa chai runaman huillashpaca ¿ima nishpataj ñucataca yallitaj llaquichinguichij?– nirca.

GÉNESIS 44:23

Shina nijpipish cambajta ruraj ñucanchijtaca: Tucuicunapaj q'uipa huauqui cancunahuan mana shamujpica, ñuca ñahuipica amataj ricuringuichij nircanguimari.

GÉNESIS 44:25

Ñucanchij yayaca: “Granocunata randinaman cutinllataj richij” nircami.

GÉNESIS 44:26

Chaimi ñucanchijca ñucanchij yayamanca: Ñucanchij q'uipa huauqui Benjamín ñucanchijhuan mana rijpica mana rishunchu. Paita mana pushashpaca, chai amopica mana ricurigri tucunchijchu nircanchij.

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.