GÉNESIS 43:12 - Dios Rimashca Shimicunami

¹² Granocunata randina cullquitaca ishqui cutin randina shinata apaichij. Sarun tigrachishpa cachashca cullquitapish cancunapaj costalcunapi churashpa apashpa paipaj maquipitaj cunguichij. Ñataj pandarishpalla tigrachishca canman.

GÉNESIS 43:12 Iomraidhean Croise

GÉNESIS 42:25

Chai q'uipami Joseca, paipajta rurajcunataca: –Paicunapaj costalcunapi trigota jundachichij. Trigomanta pagashca cullquitapish cada quiquinpaj costalcunapi churanguichij. Ñanpi micuchun cucayutapish cachanguichij– nijpica, pai nishca shinami rurarcacuna.

GÉNESIS 42:35

Chaipipish cashnami tucurca. Costalcunamanta granocunata tallicushpaca, tucuicunapaj costalpimi cullqui muchilacunata ricurcacuna. Chaimi paicunapish, paicunapaj yayapish tucuicuna achcata mancharircacuna.

GÉNESIS 43:13

Cancunapaj huauqui Benjamintapish pushashpa, chai mandajpajman tigrashpa richij.

GÉNESIS 43:21

Caimanta tigracushpaca, samaringapaj tiyarishpa ñucanchij costalcunata pascajpica, ñapish tucui ñucanchij costal shimicunapi cullqui tiyacushcallami carca. Mashnatami ñucanchij pagarcanchij, chaillatajmi cashca carca. Ñucanchijca chai cullquitaca tigrachingapaj apamurcanchijmi.

GÉNESIS 43:22

Sarunca ñucanchij cullquitaca pichari ñucanchij costalcunapica tigrachishpa cacharca, mana yachanchijchu. Cunan granocunata randingapajca shujtaj cullquitami apamurcanchij– nircacunami.

Romanos 12:17

Cancunata pi llaquichijpipish, ama chashnallataj llaquichinguichijchu. Tucuicunapaj ñaupajpi allita rurana yuyailla caichij.

Romanos 13:8

Piman ama imata debichijchu, ashtahuanpish caishuj chaishuj c'uyanacunallata debinguichij. Shujtajta c'uyajmi Mandashcataca pajtachishca.

2 Corintios 8:21

Ñucanchijca mana Mandaj Jesuspaj ñaupajllapi ashtahuanpish, runacunapaj ñaupajpipish, pi mana juchachishca cangapajmi alli apana yuyailla ruracunchij.

Filipenses 4:8

Caillahuanmi nisha nini huauquicuna, tucui imapipish mana llulla canata, tucuipi alli canata, tucuipi cashcata ruraj canata, tucuipi chuya canata, tucuipi c'uyashca canata, tucuipi allimi nishca canata yuyaichij. Chashna imapipish alli nishca, alabashca cashca cashpaca, chashna cana yuyailla caichij.

1 Tesalonicenses 4:6

Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.

1 Tesalonicenses 5:21

Tucui imalla yachachishcataca, alli cashcata mana alli cashcata alli ricuichij. Alli cajllata chariraichij.

Hebreos 13:8

Jesucristoca cainapish, cunanpish, huiñai huiñaipajpish paillatajmi.