GÉNESIS 42:8 - Dios Rimashca Shimicunami

⁸ Joseca paipaj huauquicuna cashcataca rijsircami. Ashtahuanpish paipaj huauquicunaca Josetaca mana rijsircacunachu.

GÉNESIS 42:8 Iomraidhean Croise

GÉNESIS 37:2

Jacobpaj huahua huahua callari yayacunamanta parlashcaca cashnami: Joseca chunga canchis huatacunayuj cashpami, paipaj huauquicunahuan ovejacunata michishpa purij carca. José mosoca Bilha, Zilpa caishuj huarmicunapi paipaj yaya Jacob charishca churicunahuan purishpami, paipaj huauquicuna mana allita rurashcataca, yaya Jacobman huillaj carca.

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

Lucas 24:16

Paicunapaj ñahuicunaca huichcashca shina cajpimi Jesustaca mana rijsircacuna.

Juan 20:14

Shina nishcahuan tigrarishpa ricujpica, Jesusmi chaipi shayacushca carca. Ashtahuanpish paica Jesús cashcataca mana rijsircachu.

Juan 21:4

Ñalla pacarimugrijpimi, Jesusca cucha uripi ricurirca. Yachacujcunaca, Jesús cashcataca mana yacharcacunachu.