GÉNESIS 42:10 - Dios Rimashca Shimicunami

¹⁰ Paicunaca: –Ñucanchij amito, cambajta ruraj ñucanchijca mana chaipajchu shamurcanchij. Ashtahuanpish granocunata randingapajllami shamurcanchij.

GÉNESIS 42:10 Iomraidhean Croise

GÉNESIS 27:29

Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

GÉNESIS 27:37

Shina nijpimi Isaacca, Esautaca: –Ñucaca Jacobtaca canta mandaj cachunmi churarcani. Paipaj tucui huauquicunapish paipajta rurajcuna cachun nircanimi. Trigotapish, llullu vinotapish achcata charichun nircanimi. Chaimanta cunanca ñuca huahualla, cambajca ¿imatataj rurashari?– nirca.

GÉNESIS 37:8

Chaimi paipaj huauquicunaca: –¿Shinashpaca canchu jatun mandaj tucusha ningui? ¿Canchu ñucanchijta mandasha yuyangui?– nishpa, pai muscushcata José parlajpica, ashtahuan p'iñarcacuna.

GÉNESIS 42:11

Tucui ñucanchijmi shuj yayapajlla huahuacuna canchij. Ñucanchijca mana allita rurajcunaca mana canchijchu. Cambajta ruraj ñucanchijca purij shinalla ricujcunaca manataj cashcanchijchu– nircacuna.

GÉNESIS 44:9

Cambajta ruraj maijanpajpi chai copata japishpaca huañuchihuanguilla. Ñucanchijpish tucuicunami cambajta rurajcuna tucushun– nircacuna.

1 REYES 18:7

Ñanta ña ricushpami Abdiasca Eliashuan tupashpa paita rijsishpaca paipaj ñaupajpi pambaman tupajta cumurishpa: –¿Manachu canca ñuca amo Elías cangui?– nirca.

1 SAMUEL 26:17

David rimashcata rijsishpami Saulca: –Ñuca huahua David. Cai shimicunataca canllatajchu rimacungui– nijpi, Davidca: –Jatun mandaj ñuca amito, ari ñucallatajmi cani nishpaca,