GÉNESIS 41:8 - Dios Rimashca Shimicunami

⁸ Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

GÉNESIS 41:8 Iomraidhean Croise

GÉNESIS 40:6

Tutamanta paicunata ricunaman José yaicushpaca, llaquijllacuna cajtami ricurca.

GÉNESIS 40:8

Chaimi paicunaca: –Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca: –Chaicuna imata nisha nishcataca Taita Diosllamari huillachin nishpami, parlaichigari– nirca.

GÉNESIS 41:15

Faraonca Josetaca: –Ñucami shuj muscuita charircani. Chaita huillajmari pi mana tiyan. Ashtahuanpish muscushcacunata huillajpi chaita uyashpaca canca chai imata nisha nishcata huillanlla nijtami uyani– nirca.

GÉNESIS 41:24

Chai fichuyashca canchis caspa trigoca, caishuj canchis caspa alli sumaj trigohuan junda caj caspacunata millpujtami muscurcani. Chai imata nisha nishcata huillanata yachajcunaman huillajpipish chai imata nisha nishcata huillajca mana tiyanchu– nircami.

GÉNESIS 41:7

chai fichuyashca canchis caspacunaca, grano junda canchis racu caspacunata millpujta muscushpami faraonca rijcharirca. Pai rijcharishpaca, chaicunaca muscuilla cashcatami ricurca.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ÉXODO 7:11

Chaimi faraonca Egiptopi caj adivinocunata, brujocunata tandachichun cachajpi paicuna shamushpaca brujocuna rurana cashcata rurashpa Moisespish, Aaronpish milagrota rurashca shinallataj rurarcacuna.

ÉXODO 7:22

Shinallataj Egipto llajta brujocunapish, brujocuna rurana cashca shina rurashpaca, Moiseshuan, Aaronhuan milagrota ruraj shinallatajmi rurarcacuna. Chaimi faraonpaj shunguca Mandaj Dios nishca shinallataj rumi tucushpa mana uyarca.

ÉXODO 8:7

Chai llajtapaj brujocunapish Moisés, Aarón milagrota rurashca shinallatajmi brujocuna ruraj cashca shina rurashpa sapocunataca tucui Egipto llajtapi jundachirca.

ÉXODO 9:11

Brujocunapish caishuj egipciocuna shinallataj carachayashpa chupuhuan cashcamantami Moisespaj ñaupajpica mana cai tucurcacuna.

ISAÍAS 19:3

Egipciocunapurapica alli yuyaiyuj canaca mana tiyangachu. Paicuna imallata ruranata yuyarishcatapish chingachishami. Chaimi paicunaca paicunapaj rurashcalla dioscunata, paicunapaj brujocunata, huañushcacunahuan rimajcunata, adivinocunata tapungacuna.

ISAÍAS 29:14

Chaimanta cutinllatajmi jatun milagrohuan, mancharinahuan cai gentecunataca manchachisha. Chaimi yachai sapacunapaj yachaica chingaringa. Yuyai sapacuna entendij cashcapish mana entendijmi tucunga” ninmi.

ISAÍAS 8:19

Cancunata maijancuna: “Muspachij yumbucunata, adivinocunata, manapish entendipajta rimarijcunata tapuichigari” nijpica, cancunaca: Cai gentecunaca ¿manachari paicunapaj Diosta tapunari? ¿Causajcunamantaca huañushcacunatachu tapunari? nishpa cutichinguichij.

DANIEL 1:20

Tucui imapipish yachaisapa canata, alli yuyaiyuj canata jatun mandaj tapujpipish, paicunaca pai mandacun llajtapi tiyaj tucui jatun yachajcuna, luzerocunamanta yachajcuna cutichishcamantaca chunga cutihuan yallimi cutichircacuna.

DANIEL 4:18

Jatun mandaj Nabucodonosor ñucaca, muscuipica chaitami ricurcani. Chai imata nisha nishcataca ñuca mandacun llajtapi tiyaj jatun yachajcunapish mana huillai tucurcacunachu. Beltsasar canmi chai imata nisha nishcataca huillai tucungui. Canpica, jucha illaj dioscunapaj espiritumari tiyan, chaimi chaitaca huillai tucungui” nircanimi.

DANIEL 4:19

Shina nijpica, Beltsasar nishca Danielca paipaj yuyaipi musparishpa achcata mancharishpami shuj horas shinata upajlla saquirirca. Chaimi jatun mandajca: “Beltsasar, ñuca muscushcata, chai imata nisha nishcata huillanataca ama manchaichu” nirca. Shina nijpimi Beltsasarca cashna nirca: “Ñuca amito, can muscushcaca canta p'iñajcunapaj cashpachari alli canman. Chai imata nisha nishcapish canta imapish tucuchun nicujcunapaj cashpachari alli canman.

DANIEL 4:5

Shuj cutinmi ñucaca yallitaj mancharinata muscurcani. Chai muscuipi ricushcata camapi siricushpa yuyarishpaca, musparircanimi.

DANIEL 4:6

Chai muscui imata nisha nishcata huillachunmi, Babiloniapi causaj tucui adivinocunata ñucapajman shamuchun mandarcani.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

DANIEL 7:28

Pai huillashca shimicunaca chaicunami. Daniel ñuca, chaita uyashpaca ñuca yuyaipica yallitaj musparishpami, ñuca ñahuipish shujtajyarcani. Shina cashpapish tucui chaicunataca ñuca shungupimi huaquichircani.

DANIEL 8:27

Chai q'uipaca Daniel ñucaca, tucui aicha ñuturishca shina saquirishpami, achca punllacunata ungushca carcani. Chaimanta jatarishpaca jatun mandajpajta imata ruracushcallatatajmi rurashpa catircani. Ashtahuanpish muscuipi shina ricushcata yuyarishpaca, manchaihuanmi carcani. Chaitaca mana entendircanichu.

LEVÍTICO 19:31

Muspachij yumbucunatapish, adivinocunatapish tapujcuna cutin tucunguichijman. Paicunahuan ama mapayanguichijchu. Ñucami Mandaj Dios, cancunapaj Taita Dios cani.

LEVÍTICO 20:6

Muspachij yumbucunata, mana cashpaca adivinocunata maijanpish uyashpa paicunata catishpa huainayajcunahuan p'iñarishpami, paicunataca israelcunapuramanta anchuchisha.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Mateo 2:1

Herodes mandacui punllacunapi Judeapi caj Belenpi Jesús huacharijpica, yachaj runacunami inti llujshinmanta Jerusalenman chayamushpaca,

Hechos 17:18

Epicúreos nishca, estoicos nishca maijan jatun yachajcunapishmi Pablohuan rimanacungapaj tandanacurcacuna. Pabloca paicunamanca Jesusmanta alli huillaitapish, huañushcacuna causarinamantapishmi huillarca. Chaimi paicunapuramanta maijancunaca: –Cai rimaricujlla runaca chashna nishpaca ¿imatashi nisha nin?– nircacuna. Shinallataj maijancunaca: –Paica mushuj dioscunamanta yachachijmari yuyachin– nircacunami.

Hechos 7:22

Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.

1 Corintios 1:19

Cashnami quillcashca tiyacun: “Yachaisapacunapaj yachaitaca chingachishami. Yuyaisapacunapaj yuyaitaca muspachishami” ninmi.

1 SAMUEL 6:2

Filisteocunaca curacunata, adivinocunata cayashpami: –Mandaj Diospaj arcataca ¿imatataj rurashun? Maimanta apamushcallapitaj, ima shina saquigrinata huillaichij– nishpa tapurcacuna.