GÉNESIS 41:7 - Dios Rimashca Shimicunami

⁷ chai fichuyashca canchis caspacunaca, grano junda canchis racu caspacunata millpujta muscushpami faraonca rijcharirca. Pai rijcharishpaca, chaicunaca muscuilla cashcatami ricurca.

GÉNESIS 41:7 Iomraidhean Croise

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 37:5

Joseca shuj muscuitami muscurca. Chaita paipaj huauquicunaman parlajpicarin, paicunaca ashtahuanmi p'iñarircacuna.

GÉNESIS 41:6

chaipaj q'uipaca inti llujshin ladomanta shamuj rupaj huaira japishcamanta fichuyashca canchis caspa trigota,

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

1 REYES 3:15

Salomón rijcharishpaca muscucushcatami entendirca. Chaimi Jerusalenman rishpa Mandaj Dioshuan ari ninacushca quillcata huaquichina arca ñaupajpi Mandaj Diosman cushpa tucui rupachirca. Paihuan alli cangapajpish sacrificiocunatami curca. Paipajta ruraj tucuicunahuanpish jatun micuitami rurarca.