GÉNESIS 41:54 - Dios Rimashca Shimicunami

⁵⁴ José huillashca shinallataj canchis huata jatun yaricaimi callarirca. Tucui llajtacunapimi jatun yaricai tiyarca. Ashtahuanpish Egiptopica micunaca tiyarcami.

GÉNESIS 41:54 Iomraidhean Croise

GÉNESIS 41:27

Q'uipata llujshij p'iñanana yallitaj irqui canchis vacacunaca, canchis huatacunallatajmi. Inti llujshin ladomanta shamuj rupaj huaira japishcamanta fichuyashca canchis caspa trigopish, canchis huatacunallatajmi. Chaicunaca canchis huatata jatun yaricai tiyanatami ricuchin.

GÉNESIS 41:30

Chai q'uipaca jatun yaricai canchis huatacunami shamugrin. Egiptopi ñaupaman alli grano p'ucuj cashcataca pi mana yuyaringacunachu. Jatun yaricaica tucui llajtapimi canga.

GÉNESIS 41:53

Egiptopi canchis huatacunata alli granocunata p'ucucushca tucurishpaca,

GÉNESIS 42:2

Ñucaca Egiptopi granocuna tiyan nijtami uyani. Yaricaihuan ama huañungapajca chaiman uriyashpa granocunata ñucanchijpaj randimugrichij” nirca.

GÉNESIS 43:1

Canaanpica ashtahuan yaricai tucushpa catijpimi,

GÉNESIS 45:11

Chaillapi cajpimi pichca huatacunahuan yaricai tiyai huatacunapica canmanpish, cambaj huasi ucupuramanpish, tucui canhuan cajcunamanpish yaricaihuan ama huañuchun carasha ninmi ninguichij.

GÉNESIS 47:13

Tucui llajtacunapimi ima micuna mana tiyarca. Yallitaj jatun yaricai tiyashcamantami Egiptopipish, Canaanpipish yaricaihuan huañunalla tucurcacuna.

2 REYES 8:1

Eliseoca, pai causachishca huambrapaj mamataca: “Mandaj Diosca cai llajtamanca yaricaitami cachagrin. Chai yaricaica canchis huatatami tiyanga. Chaimanta canpish, cambaj familiandij caimanta llujshishpa, maijan caishuj llajtacunapi causagri” nircami.

SALMOS 105:16

Chai llajtamanca jatun yaricaitami apamurca. Paicunapaj tucui micunatami chingachirca.

Hechos 7:11

Chai punllacunallapitajmi tucui Egipto llajtapipish, cai Canaán llajtapipish yaricai, jatun llaquicunapish tiyarca. Chaimi ñucanchij ñaupa yayacunaca cai llajtapica ima micunata mana charircacuna.