GÉNESIS 41:51 - Dios Rimashca Shimicunami

⁵¹ Joseca, punta churitaca Manasestami shutichirca. Paica: “Taita Diosca ñuca llaquicunataca cungachircami. Ñuca huasi ucupuracunatapish cungachircami” nishpami, chashna shutichirca.

GÉNESIS 41:51 Iomraidhean Croise

GÉNESIS 41:30

Chai q'uipaca jatun yaricai canchis huatacunami shamugrin. Egiptopi ñaupaman alli grano p'ucuj cashcataca pi mana yuyaringacunachu. Jatun yaricaica tucui llajtapimi canga.

GÉNESIS 41:50

Jatun yaricai huata manaraj chayamujpimi, Joseca ishqui churicunata charirca. Paicunataca On pueblopaj cura caj Potiferpaj ushushi Asenatmi huacharca.

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

GÉNESIS 48:1

Tucui chaicuna q'uipaca cashnami tucurca. Josemanca: –Cambaj yayaca ungushcami– nijpimi Joseca Manasés, Efraín paipaj ishqui churicunata paihuan pushashpa rirca.

GÉNESIS 48:5

Cunanca cai Egiptopi ñuca canhuan manaraj tandanacunaman shamujpi, caipi huacharishca Efraín, Manasés cambaj ishqui churicunaca ñuca churi Rubén, Simeón shinallataj ñuca quiquin churicunami.

JOB 11:16

Cambaj llaquicunatapish cungaringuimi, mana cashpaca larcata yacucuna pasashcata shinallami yuyaringui.

SALMOS 30:11

Ñuca llaquilla cashpa huacacujtaca, bailacuj canamanmi tigrachishcangui. Llaquilla cashpa churarinataca llujshichishcanguimi. Cushicuitami chumbillichishcangui.

SALMOS 30:5

Paica ashacamallami p'iñarin. Paica tucui causaipimi c'uyacunlla. Tucui tuta huacai tiyashpapish, pacarijpica cushicuimi tiyan.

SALMOS 45:10

Ñuca ushushi uyaiyari. Riqui, alli uyaiyari. Cambaj llajta gentecunata, cambaj yayapaj familiacunatapish cungarilla.

PROVERBIOS 31:7

Chaita ubyashpami huajcha cashcatapish, llaquicunata apacushcatapish cungarishpa ashallatapish samaringacuna.

ISAÍAS 57:16

Ñucaca mana huiñaita llaquichicushallachu. Mana huiñaita p'iña cashachu. Ñuca chashnalla cajpica ñuca rurashca espirituyuj, almayuj runacunaca ñuca ñaupajmantaca tucuimi chingarinman.

ISAÍAS 65:16

Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.

NÚMEROS 26:28

Josepaj Manasés, Efraín ishqui churicunamanta mirarishca familiacunaca.

DEUTERONOMIO 33:17

Paipaj fuerzaca punta huacharishca huagrapaj shinami. Paipaj gachucunaca búfalo huagrapaj gachucuna shinami. Chai gachucunahuanmi tucui gentecunataca tucui cai pachapi urata janajta sagmashpa shitanga. Efrainpaj huahua huahuacunaca huaranga huarangacunami. Manasespaj huaranga huaranga runacunapish c'ari c'aricunami” nircami.

JOSUÉ 14:4

Josepaj ailluca Manasés aillu, Efraín aillu ishqui aillumi tucurca. Levipaj huahua huahuacunamanca tarpuna allpacunataca mana curcacunachu. Paicunamanca causanapaj pueblocunata, huagracunata, ovejacunata michina chai muyundij asha allpacunallatami curcacuna.

JOSUÉ 17:1

Manasespaj aillumanca Josepaj punta churi cashcamantami, cashna sorteashpa curca. Manasespaj punta churi Maquirpaj huahua huahuacunamanca Galaad, Basán llajtacunatami curca. Maquirca Galaadpi causajcunapaj punta yaya, macanacunatapish alli yachajmi carca.

1 SAMUEL 1:20

Chaimi Anaca chichushpa huachana punlla pajtajpica, shuj c'ari huahuata huacharca. “Mandaj Diosta mañajpi, paimi cai huahuataca cun” nishpami Samuelta shutichirca.