GÉNESIS 40:5 - Dios Rimashca Shimicunami

⁵ Egiptota jatun mandajpaj copacunata pasachijpish, tandata rurajpish prezu tiyacushpami ishquindijtaj paicunaca chai tutallataj, ch'ican ch'icanta muscurcacuna. Chai muscushcacunaca paicuna ima tucunallatataj ricuchijmi carca.

GÉNESIS 40:5 Iomraidhean Croise

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 40:1

Tucui chaicuna chashna tucushca q'uipami, Egiptota jatun mandajpaj copacunata pasachijcunata mandajpish, tandata rurajcunata mandajpish paicunapaj amopajta mana allita rurarcacuna.

GÉNESIS 40:4

Soldadocunata mandajca, chai ishqui runacunataca José ricuchun churajpimi, paica paipaj randi cuidarca. Chai ishqui runacunaca unitami prezu carca.

GÉNESIS 40:6

Tutamanta paicunata ricunaman José yaicushpaca, llaquijllacuna cajtami ricurca.

GÉNESIS 40:8

Chaimi paicunaca: –Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca: –Chaicuna imata nisha nishcataca Taita Diosllamari huillachin nishpami, parlaichigari– nirca.

GÉNESIS 41:11

Paipish, ñucapish chaipi cashpami shuj tutaca ishquindijtaj ch'ican ch'icanta muscurcanchij. Chai muscushcacunaca ishquindijtajmi imata nisha nishcata charirca.

ESTER 6:1

Chai tutallatajmi jatun mandajca, dormita mana japirca. Chaimantami paipaj quillcajcunataca: “Ñuca mandacun llajtacunapi imalla tucushcata quillcashca librota apamushpa ñuca ñaupajpi rezaichij” nirca.

DANIEL 4:19

Shina nijpica, Beltsasar nishca Danielca paipaj yuyaipi musparishpa achcata mancharishpami shuj horas shinata upajlla saquirirca. Chaimi jatun mandajca: “Beltsasar, ñuca muscushcata, chai imata nisha nishcata huillanataca ama manchaichu” nirca. Shina nijpimi Beltsasarca cashna nirca: “Ñuca amito, can muscushcaca canta p'iñajcunapaj cashpachari alli canman. Chai imata nisha nishcapish canta imapish tucuchun nicujcunapaj cashpachari alli canman.

DANIEL 4:5

Shuj cutinmi ñucaca yallitaj mancharinata muscurcani. Chai muscuipi ricushcata camapi siricushpa yuyarishpaca, musparircanimi.

DANIEL 4:9

“Jatun yachajcunata mandaj Beltsasar, canpica jucha illaj dioscunapaj espíritu tiyajtami yachani. Cambajca pi mana yachashcacunapish ima mana pacallachu. Chashna cashcamanta muscuipi shina ñuca ricushcata, chai imata nisha nishcata huillahuai.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.