GÉNESIS 4:9 - Dios Rimashca Shimicunami

⁹ Chaimi Mandaj Diosca Caintaca: –¿Cambaj huauqui Abelca maipitaj?– nishpa tapujpi Cainca: –Ñucaca imatataj yachashari. Ñucaca huauquita cuidajchari caniyari– nirca.

GÉNESIS 4:9 Iomraidhean Croise

GÉNESIS 37:26

Chaimi Judaca paipaj huauquicunataca: –Ñucanchij huauquita huañuchishpa paita huañuchishca jahua ñucanchijca mana yachanchijchu nishpaca imata mana japishunchu.

GÉNESIS 37:32

Josepaj murujlla churanataca yayapajmanca cashna nishpami cacharca: “Cai churanatami japinchij. Cambaj churipaj cashcata, mana cambaj churipaj cashcata rijsipai” nishpami ricuchichun cacharcacuna.

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

SALMOS 9:12

Diosca huañuchishcamanta paitapish llaquichinataca mana cungarircachu. Llaquihuan cajcuna caparishpa mañashcatapish, mana cungarircachu.

SALMOS 9:13

Mandaj Dioslla, ñucata llaquihuayari. Ñucata p'iñajcuna llaquichicujpi llaquita apacujtaca ricuhuayari. Ñuca huañui pungullapi cajpipish canmi quishpichingui.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.