GÉNESIS 4:8 - Dios Rimashca Shimicunami

⁸ Cainca, paipaj huauqui Abeltaca: “Chagraman jacu” nishpami pushashpa rirca. Paicuna ña chagrapi cashpami, Cainca paipaj huauquihuan p'iñarishpa Abeltaca huañuchirca.

GÉNESIS 4:8 Iomraidhean Croise

GÉNESIS 4:25

Adán paipaj huarmipi cutin chayarijpica, shujtaj c'ari huahuatami huacharca. Cai huahuataca: “Abelta Caín huañuchishcamantami, paipaj randi Taita Diosca cuhuan” nishpami, chai huahuataca Set shutita shutichirca.

2 SAMUEL 14:6

Cambajta ruraj ñucaca ishqui churicunatami charircani. Chagrapi paicunapura p'iñanacushpa macanacushpami, pi mana ch'ichanchij tiyajpi shujca caishujta huañuchishca.

2 SAMUEL 3:27

Hebronman Abner tigrajpica, Joabca paillahuan parlasha nishpami puebloman yaicuna pungu c'uchuman pusharca. Chaipimi paipaj huauqui Asaelta huañuchishcamantaca paitapish pechopi lanzahuan satijpi huañurca.

2 CRÓNICAS 21:4

Joramca, paipaj yayapaj randi mandanapi tiyarishpa, ña tucuita mandai callarishpaca, paipaj tucui huauquicunatami espadahuan huañuchirca. Israelcunata mandajcunapuramanta maijancunatapishmi huañuchirca.

NEHEMÍAS 6:2

Chaimi Sanbalatpish, Gesempish: “Ono pambapi tiyaj maijan llajtapi ñucahuan tandanacushun” nishpa huillanaman ñucapajman cachashca carca. Ashtahuanpish paicunaca ñucata llaquichingapajllami chashna nishca carca.

JOB 11:15

Chashna causashpami, ima mapa illajlla cambaj ñahuitaca alzangui. Shinallataj sinchiyashpa, imata mana manchanguichu.

SALMOS 139:19

Taita Dioslla, millai runataca huañuchiyari. Huañuchij runataca chashna ñucamanta anchuchiyari.

SALMOS 36:3

Paipaj shimipica, millaita rimana, umanallami tiyan. Alli yuyaiyuj canata chingachishcami. Allita runatapish saquishcami.

SALMOS 55:21

Pai rimashcacunaca mantequilla shina sumaj cashpapish, paipaj shungupica macanacuna yuyaillami tiyan. Rimashcacunaca aceitetapish yalli sumajtami nuyuchin. Ashtahuanpish paica lluchulla espada shinami.

OSEAS 4:2

Ashtahuanpish ari nishcata mana pajtachina, llullana, huañuchina, shuhuana, huainayanami tiyan. Caishuj chaishuj huañuchinacunami tiyan.

MIQUEAS 7:6

Churica yayata p'iñangami, ushushica mamata macangami, nuerapish suegrata c'ariyangami. Quiquin huasi ucupurallatajmi chashna p'iñanacungacuna.

NÚMEROS 35:20

Maijancunaca llaquichina yuyaihuan p'iñashcamanta t'angashpa shitangachari, mana cashpaca imahuan shitajpi huañungachari.

Mateo 23:35

Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij.

Lucas 11:51

Abelta huañuchishca yahuarmanta, Zacariasta huañuchishca yahuarcamami, cunan punlla causaj cancunata Taita Diosca llaquichinga. Chaica chashnatajmi. Zacariastaca Taita Diospaj huasihuan, altarhuan chaupipimi huañuchirca.

Lucas 22:48

Jesusca: –Judas ¿Runa Aichayujtaca muchashpachu entregangui?– nirca.

Hebreos 11:4

Crishcamantami Abelca, Caín cushcata ashtahuan yalli Dios chasquinalla sacrificiota curca. Chaimantami pai cushcata chasquishpaca cashcata rurajmi nirca. Chashnami Abel huañushca cajpipish pai alli crij cashcataca Diosca huillacunraj.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

Judas 1:11

¡Aij, chashna rurajcunalla! Caín shinallatajmari mana allita rurashcacuna. Cullquita munashcamantaca Balaam shinallatajmari pandarishcacuna. Mana cazushcamantaca Coré shinallatajmari chingarishcacuna.