GÉNESIS 4:4 - Dios Rimashca Shimicunami

⁴ Abelpish punta huacharishca alli huira ovejatami Mandaj Diosman cungapaj apamurca. Mandaj Diosca Abeltapish, pai cushcatapish cushicushpami chasquirca.

GÉNESIS 4:4 Iomraidhean Croise

GÉNESIS 15:17

Ña tutayashpa ashtahuan amsayajpica, Abramca shuj hornomanta cushni llujshicujta, aichacunata chaupishpa ishqui ladoman churashca chaupitaca, nina sindi pasarijtami ricurca.

GÉNESIS 4:3

Ña unipimi, Cainca allpapi p'ucushca granocunamantaca, Mandaj Diosman cungapaj apamurca.

1 REYES 18:24

Cancunaca cancunapaj dioscunapaj shutipi mañanguichij. Ñucaca Mandaj Diospaj shutipimi mañasha. Mañashcata uyashpa ninata cachaj Diosmi Diostaj canga– nijpica tucuicunami: –Allitamari ningui– nircacuna.

1 REYES 18:38

Chaipi Mandaj Diospaj nina shamushpaca Diosman cushpa tucui rupachina aichata, yantata, rumicunata, chai mirga ñutu allpatapishmi tucui chingarijta rupachirca. Altar muyundij yacutapish tucui chaquijtami rupachirca.

1 CRÓNICAS 21:26

Davidca, chaipi Mandaj Diospaj shuj altarta rurashpami, paiman tucui rupachingapaj cunatapish, Mandaj Dioshuan alli cangapaj cunatapish cushpa Mandaj Diosta mañarca. Mandaj Diosca pai mañashcataca tucui rupachingapaj cushca altar jahuaman jahua pachamanta ninata cachashpami cutichirca.

2 CRÓNICAS 7:1

Salomón chashna mañajpica, jahua pachamantami nina shamurca. Chai ninami Diosman cushca animalcunapaj aichataca tucui rupachirca. Diospaj huasipica, pai Mandaj Diospaj sumaj cashcami jundarca.

SALMOS 20:3

Tucui can cushcacunatapish yuyarichun. Tucuita cushpa can rupachishcatapish chasquichun. Selah

ÉXODO 13:12

cancunapaj punta churicunataca Mandaj Diospaj cashcamanta paiman cunguichij. Cancunapaj animalcunamanta punta huacharishca animalcunatapish Mandaj Diosman cunguichij. Punta huacharishca c'aricunaca Mandaj Diospajmi.

PROVERBIOS 3:9

Can imalla charishcacunahuanpish, Mandaj Diosta jatunyachingui. Cambaj chagracunapi punta p'ucushca tucui granocunamantapish paimanraj cungui.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

LEVÍTICO 9:24

Chaipimi Mandaj Diospaj ñaupajmanta nina llujshishpaca, Mandaj Diosman tucuita cushpa tucui rupachinapaj cushca huiratapish altar jahuapi cajtaca tucuita rupachirca. Chaita tucui israelcuna ricushpaca, Mandaj Diostaca allimari cangui nishpami pambacama cumurircacuna.

NÚMEROS 16:15

Shina nijpimi Moisesca paicunahuan achcata p'iñarishpa Mandaj Diostaca: –Ñucaca paicunapaj shuj burrollatapish mana quichushcanichu. Paicunapuramanta maijantapish mana llaquichishcanichu. Chaimanta paicuna cushcataca amataj chasquipaichu– nirca.

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

NÚMEROS 18:12

Israelcunapaj chagracunapi punta p'ucushca ashtahuan allicunata Mandaj Diosman cushcacunamantaca aceitetapish, llullu vinotapish, trigotapish canmanmi cuni.

NÚMEROS 18:17

Punta huacharishca animalcuna, huagracuna, ovejacuna, chivocuna cajpica ama cullquita japingui. Chaicunaca ñucapajlla ch'icanchishca cashcamanta paicunapaj yahuartaca altar jahuapi tsirapangui. Huirataca Diosman cushpa rupachingui. Rupachishpa cujpimi, Mandaj Diospajca mishquijlla ashnacuj canga.

Hebreos 11:4

Crishcamantami Abelca, Caín cushcata ashtahuan yalli Dios chasquinalla sacrificiota curca. Chaimantami pai cushcata chasquishpaca cashcata rurajmi nirca. Chashnami Abel huañushca cajpipish pai alli crij cashcataca Diosca huillacunraj.

Hebreos 9:22

Mandashcapi nishca shinaca, yahuarhuanca maijan maijanllami mana chuyayan. Shina cajpipish yahuarta mana jichajpica, perdonca mana tiyanchu.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

JUECES 6:21

Mandaj Diospaj angelca chai aichatapish, levadura illajlla tandatapish pai charicushca caspi puntahuanmi tuparca. Chaimi chai rumimanta nina llujshishpa aichatapish levadura illajlla tandatapish tucui rupachirca. Chai q'uipaca Mandaj Diospaj angelca Gedeonpaj ñaupajmantaca chingarircallami.

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.