GÉNESIS 4:26 - Dios Rimashca Shimicunami

²⁶ Setca shuj c'ari huahuatami charirca. Chai huahuatami Enos shutita shutichirca. Chai punllamantapachami runacunaca, Mandaj Diosta yuyarinata callarirca.

GÉNESIS 4:26 Iomraidhean Croise

GÉNESIS 12:8

Chaimanta rishpaca Bet-elmanta inti llujshin ladoman caj shuj urcuman rishpami, paipaj carpa huasita chaipi shayachishpa tiyarirca. Pai tiyacunmantaca Bet-elca inti huashicun ladomanmi carca. Hai puebloca inti llujshin ladomanmi carca. Chaipipish Mandaj Diospaj shuj altarta rurashpami, Mandaj Diospaj shutipi mañarca.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

1 REYES 18:24

Cancunaca cancunapaj dioscunapaj shutipi mañanguichij. Ñucaca Mandaj Diospaj shutipimi mañasha. Mañashcata uyashpa ninata cachaj Diosmi Diostaj canga– nijpica tucuicunami: –Allitamari ningui– nircacuna.

SALMOS 116:17

Taita Diosmanca cantashcatami cuni. Mandaj Diospaj shutipimi cantani.

ISAÍAS 44:5

Paicunaca shujca: “Ñucaca Mandaj Diospajmi cani” ningami. Caishujca: “Jacobpajmi cani” ningami. Chaishujca paipaj maquihuan quillcashpami, Mandaj Diospajmi cani ninga. “Israel apellidomi canchij” ningacunami.

ISAÍAS 48:1

Jacobpaj huahuacuna, caita uyaichij. Cancunaca Israel shutitami apanguichij. Judapaj huahua huahuacuna, caita uyaichij. Mandaj Diospaj shutipi imatapish pajtachishami nijcuna caita uyaichij. Cancunaca israelcunapaj Diosta yuyarijcunami canguichij. Paita yuyarina shinatajca mana ruranguichijchu. Cashcatatajca mana ruranguichijchu.

ISAÍAS 63:19

Quiquin ñucanchijtaca nunca mana mandacushca shinamari tucushcanchij. Quiquinpaj shutita nunca mana mañajcuna cashca shinamari tucushcanchij.

JEREMÍAS 33:16

Chai punllacunapica, Judá llajtaca tucui llaquimanta quishpichishcami canga. Jerusalenpi causajcunapish ima manchai illajllami causangacuna. Paicunaca: Mandaj Diosmi ñucanchijpajca cashcata ruran ningacunami.

JOEL 2:32

Mandaj Diosta mañajcunallami quishpiringacuna. Mandaj Dios nishca shinallatajmi Sión urcupi, Jerusalenpica quishpirina tiyanga. Chaipica israelcunapuramantaca, Mandaj Dios cayashcacunallami saquiringacuna.

SOFONÍAS 3:9

Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna.

Lucas 3:38

Cainanca, Enospaj churimi carca. Enosca, Setpaj churimi carca. Setca, Adanpaj churimi carca. Adanca, Diospaj churimi carca.

Hechos 11:26

Chaipica huata jundatami achcacunata yachachishpa tandanacushca crijcunahuan causarcacuna. Jesusta catijcunataca chai Antioquiapimi caicunaca Cristota catijcunami ninata callarircacuna.

Hechos 2:21

Chaipica Mandaj Jesuspaj shutipi maijanpish mañajca quishpichishcami canga” ninmi.

Romanos 10:13

Pi cashpapish Mandaj Jesuspaj shutipi mañajtaca, quishpichingami.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.