GÉNESIS 4:23 - Dios Rimashca Shimicunami

²³ Shuj punllami Lamecca paipaj huarmicunataca cashna nirca: “Ada, Zila ñuca huarmicuna. Ñuca nishcata uyaichij. Ñuca rimashcata uyaichij. Shuj runataca ñucata chugrichijpimi huañuchircani. Q'uipa huiñai shuj huambrataca ñucata huajtajpimi huañuchircani.

GÉNESIS 4:23 Iomraidhean Croise

GÉNESIS 4:22

Shinallataj Zila huarmipish Tubal-caín shuti huahuatami huacharca. Paimi broncetapish fierrotapish tacashpa ima charinacunatapish ruraj carca. Tubal-cainca Naama shuti panitami charirca.

SALMOS 94:1

Mandaj Dioslla, quiquinca llaquichijcunata llaquichij Taita Diosmari cangui. Llaquichijcunata llaquichij Taita Dios cashcata ricuchiyari.

ÉXODO 20:13

Ama huañuchingui.

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

NÚMEROS 23:18

Chaimi Balaamca, Mandaj Dios imalla nishcataca cashna nishpa sumajta huillarca: “Balac jatariyari, uyayari. Ziporpaj churi ñuca huillashcata alli uyayari.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

JUECES 9:7

Jotamman chaita huillajpica, paica Gerizim urcu jahuaman huichiyashpami, sinchita caparishpa cashna nirca: “¡Siquem pueblo runacuna, ñuca nishcata uyaichij! ¡Ñuca nishcata uyajpica, Diospish cancunata uyangami!