GÉNESIS 4:21 - Dios Rimashca Shimicunami

²¹ Jabalca Jubal shuti huauquitami charirca. Jubalca arpapi tocajcunapaj, flautapi tocajcunapaj yayami carca.

GÉNESIS 4:21 Iomraidhean Croise

GÉNESIS 31:27

¿Ima nishpataj ñucaman mana huillashpa pacalla callpamurcangui? Can shamusha nishcata ñuca yachashca cashpaca tamborpi, arpapi tocashcacunahuan cantashcacunahuan cushicushpamari, sumaj micuita rurashpa caya minchacama nishpa cachaiman carcani.

GÉNESIS 4:20

Ada huarmica Jabal shuti huahuatami huacharca. Jabalpaj huahua huahuacunami carpa huasicunapi causashpa animalcunata mirachijcuna carca.

GÉNESIS 4:22

Shinallataj Zila huarmipish Tubal-caín shuti huahuatami huacharca. Paimi broncetapish fierrotapish tacashpa ima charinacunatapish ruraj carca. Tubal-cainca Naama shuti panitami charirca.

JOB 21:12

Paicunaca tamborpi, citarapi tocashcahuanmi tushuncuna. Flautapi tocashcahuanmi cushicuncuna.

SALMOS 150:4

Panderohuan tushushpa alabaichigari. Cuerdayuj tocanacunahuan, flautacunahuan alabaichigari.

ISAÍAS 5:12

Paicunapaj jatun micuicunapica, arpacunapi tocajcunami tiyan. Salteriocunapi, tamborcunapi, flautacunapi tocajcunami tiyan. Achca vinomi tiyan. Mandaj Dios rurashcataca pai rurashca cashcata mana yuyanchu. Paipaj maquihuan rurashca cashcataca mana yuyanchu.

AMÓS 6:5

Flautapi tocashpapish, pinganayajtami cantanguichij. Ima tocanapi tocashpapish, David shina tocacunchij yuyanguichijmi.