GÉNESIS 4:2 - Dios Rimashca Shimicunami

² Chai q'uipaca paipaj huauqui Abeltami huacharca. Abelca ovejacunata michijmi carca. Cainca allpapi trabajajmi carca.

GÉNESIS 4:2 Iomraidhean Croise

GÉNESIS 3:23

Mandaj Taita Diosca, Edén llajtapi caj huertamanta llujshichishpami, paita rurashca allpallapitaj trabajashpa causachun churarca.

GÉNESIS 37:13

Yaya Israelca Josetaca: –Cambaj huauquicunaca Siquempimi ovejacunata michicungacuna. Canca paicunapajman ri– nijpimi Joseca: –Ari, rishallami– nirca.

GÉNESIS 4:1

Evaca paipaj cusa Adán chayarijpimi, chichushpa shuj huahuata huacharca. “Mandaj Dios munashpa cujpimari shuj c'ari huahuata charini” nishpami, chai huahuataca Cainta shutichirca.

GÉNESIS 4:3

Ña unipimi, Cainca allpapi p'ucushca granocunamantaca, Mandaj Diosman cungapaj apamurca.

GÉNESIS 47:3

Chaipimi faraonca Josepaj huauquicunataca: –¿Imata rurajcunataj canguichij?– nijpi paicunaca faraonmanca: –Cambajta ruraj ñucanchijca, ñucanchij ñaupa yayacuna shinallataj ovejacunata michijcunami canchij– nircacuna.

GÉNESIS 9:20

Noeca allpapi cutinllataj trabajai callarishpaca uvatami tarpurca.

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

AMÓS 7:15

Shina cajpipish Mandaj Diosmari ñucataca huagrata michicujta japishpaca: Ñuca imalla nishcata ñuca agllashca israelcunaman ri huillagri nirca.

Lucas 11:50

Cai pacha callarimanta tucui profetacunata huañuchishca yahuarmantaca, cunan punlla causaj cancunatami Taita Diosca llaquichinga.

Lucas 11:51

Abelta huañuchishca yahuarmanta, Zacariasta huañuchishca yahuarcamami, cunan punlla causaj cancunata Taita Diosca llaquichinga. Chaica chashnatajmi. Zacariastaca Taita Diospaj huasihuan, altarhuan chaupipimi huañuchirca.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.

1 Juan 3:15

Paipaj huauquita maijanpish p'iñajca huañuchij shinallatajmi. Maijanpish huañuchijca, huiñai causaita mana charij cashcataca yachanguichijmi.