GÉNESIS 4:17 - Dios Rimashca Shimicunami

¹⁷ Caín paipaj huarmipi chayarijpimi, chichushpa shuj c'ari huahuata huachashpaca, chai huahuataca Enoc shutita shutichirca. Chai q'uipaca Cainca shuj pueblotami shayachirca. Chai pueblotaca paipaj churipaj shuti Enoc shutitami shutichirca.

GÉNESIS 4:17 Iomraidhean Croise

GÉNESIS 11:4

Chai q'uipaca cashnapishmi nircacuna: “Shuj pueblota jahua pachaman chayaj torreyujta rurashunchij. Chashnami c'ari c'ari runacuna tiyashcaca tucuipi yacharishun, tucui cai pachata caita chaita rinatapish pararishun” nircacunami.

GÉNESIS 4:16

Mandaj Diospaj ñaupajmanta Caín rishpaca, Edén llajtamanta inti llujshin ladoman caj Nod llajtapimi causagrirca.

GÉNESIS 4:18

Enocca Irad churitami charirca. Iradca Mehujael churitami charirca. Mehujaelca Metusael churitami charirca. Metusaelca Lamec churitami charirca.

GÉNESIS 5:18

Jaredca, 162 huatayuj cashpami, Enoc shuti churita charirca.

GÉNESIS 5:22

Enocca, Matusalén churita charishca punllamantaca, 300 huatacunahuanmi Taita Dioshuan purirca. Churicunatapish ushushicunatapish charircarajmi.

2 SAMUEL 18:18

Absalonca pai causacushparajmi, jatun mandajpaj nishca pambapi shuj jatun pircata rurachirca. Chaipica paica ñucaca churita mana charinichu. Ñuca shuti ama chingarichun nishpami paipaj quiquin shutita chai pircapica churarca. Chai pircataca cunan punllacamami “Absalonpaj pirca” nincuna.

SALMOS 49:11

Paicunapaj yuyaipica, paicunapaj huasica huiñaipaj cashcatami yuyancuna. Paicuna causanaca huahua huahuapaj cashcatami yuyancuna. Allpatapish paicunapaj shutitami churancuna.

SALMOS 49:12

Chashna cashpapish gentecunaca huiñaitaca mana alli nishca cangachu. Huiñaitaca mana cushicungachu. Chingarijlla animalcuna shinallatajmi.

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.