GÉNESIS 4:16 - Dios Rimashca Shimicunami

¹⁶ Mandaj Diospaj ñaupajmanta Caín rishpaca, Edén llajtamanta inti llujshin ladoman caj Nod llajtapimi causagrirca.

GÉNESIS 4:16 Iomraidhean Croise

GÉNESIS 3:8

Chai q'uipami Mandaj Taita Diostaca huairajlla punllapi huertapi puricujta uyarca. Chaimi Adanpish, paipaj huarmipish Mandaj Taita Diospi ama ricuringapaj chai huertallapitaj yuracuna chaupipi miticurcacuna.

GÉNESIS 4:14

Ñucata cai allpamanta llujshichishpa cachajpica, cunanca quiquinpaj ñaupajmanta miticushpa rishallami. Cai allpapica maipi causanata mana charij, caru llajtamanta shina puricushallatajchari. Chaipica ñucataca pipish japishpa huañuchingallatajchari– nirca.

GÉNESIS 4:17

Caín paipaj huarmipi chayarijpimi, chichushpa shuj c'ari huahuata huachashpaca, chai huahuataca Enoc shutita shutichirca. Chai q'uipaca Cainca shuj pueblotami shayachirca. Chai pueblotaca paipaj churipaj shuti Enoc shutitami shutichirca.

2 REYES 13:23

Chaimi Mandaj Diosca paicunata llaquishpa c'uyashpa paicunaca llaquitamari apacuncuna nishpaca, Abrahamhuan, Isaachuan, Jacobhuan ari ninacushcata yuyarishpa, manataj tucuita chingachishachu nirca. Chashna nishpaca cunan punllacamami paipaj ñaupajmantaca mana tucui anchuchin.

2 REYES 24:20

Chashna rurajpimi Mandaj Diosca Jerusalenpi causajcunahuan, Judapi causajcunahuan yallitaj p'iñarishpaca paipaj ñaupajmanta llujshichishpa cachangacama p'iñarirca. Chai q'uipaca Sedequiasca, Babilonia llajtata jatun mandajtaca c'ariyashpami jatarirca.

JOB 1:12

Shina nijpimi Mandaj Diosca, Satanastaca cashna nirca: –Riqui, pai imalla charishcacunaca cambaj maquipimi, ashtahuanpish paillata ama cambaj maquihuan tuparingui– nijpi Satanasca, Mandaj Diospaj ñaupajmanta llujshishpa rircallami.

JOB 2:7

Chashna nijpimi Satanasca, Mandaj Diospaj ñaupajmanta rishpaca, Jobtaca chaqui plantamantaca uma coronacama carachata churashpa chugrichirca.

JOB 20:17

Uchilla yacucunatapish, jatun yacucunatapish, jatun yacucuna shina llujshicuj mishquitapish, lechetapish mana ashtahuan ricungachu.

SALMOS 5:11

Canpi shunguta churajcunaca tucuicuna cushicuchun. Paicunata mitsaj cashcamanta tucui paicunapaj causaipi cushicuihuan canta cantachuncuna. Cambaj shutita c'uyajcunaca canpi cushicuchun.

SALMOS 68:2

Paicunaca huairapi cushni rij shinami chingaringacuna. Chashna chingachiyari. Ninapi huira yacuyaj shinami yacuyangacuna. Diosta mana rijsijcunaca Taita Diospaj ñaupajpica chashnami chingaringacuna.

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

JEREMÍAS 23:39

Cancunataca ñuca ñaupajmanta llujshichishpa cachashpa cungarishami. Cancunapaj ñaupa yayacunamanpish, cancunamanpish cushca cai pueblotapish tucui urmachishami.

JEREMÍAS 52:3

Chaimanta yallitaj p'iñarishpami, Mandaj Diosca Jerusalenpi causajcunatapish, Judá llajtapi causajcunatapish paipaj ñaupajmanta llujshichishpa cacharca. Chai q'uipami Sedequiasca, Babilonia llajtata jatun mandajtaca c'ariyarca.

JONÁS 1:3

Shina nijpica Jonasca, Mandaj Diosmanta miticushpa Tarsis puebloman ringapajmi, barcota japingapaj Jope puebloman uriyarca. Chaiman chayashpaca, Tarsis puebloman ricuj barcopimi, paipaj pasajeta pagashpa yaicurca. Paica Mandaj Diospaj ñaupajmanta miticusha yuyashpami, Tarsis puebloman paicunahuan ricurca.

Mateo 18:20

Ishquillapish, quimsallapish ñuca shutipi tandanacujpica, ñucapish chaipimi paicunapaj chaupipi cani– nircami.

Lucas 13:26

Shina nijpica: “Canhuanmi micurcanchij, ubyarcanchij. Canllatajmari ñucanchij plazacunapipish yachachircangui” ninguichijmi.

Juan 1:10

Cai pachataca Taita Diosca Rimai Shutihuan tucushpami rurarca. Cai pachapi causajcunaca pai rurashca cashpapish paitaca mana rijsircacunachu.

Juan 1:3

Tucui imalla tiyajcunataca, paihuanmi rurarca. Tucui imatapish paillahuantajmi rurarca.

1 Tesalonicenses 1:9

Causaj Taita Diospajtataj rurangapajmi, rurashcalla dioscunamanta anchurishpa, Taita Diosman tigrarishcatapish, ñucanchijta ima shina chasquishcatapish paicunallataj parlancuna.