GÉNESIS 4:15 - Dios Rimashca Shimicunami

¹⁵ Shina nijpi Mandaj Diosca: –Cainta maijanpish huañuchijtaca, paitapish canchis cutinmi llaquichishca canga– nishpaca Cainpica, paihuan tupajcunaca pi mana huañuchinalla cashcata ricuchij señaltami churarca.

GÉNESIS 4:15 Iomraidhean Croise

GÉNESIS 4:24

Cainta huañuchijta canchis cutin llaquichishca cana cajpica, Lamecta huañuchijtacarin canchis chunga canchis cutinmi llaquichinga” nircami.

1 REYES 16:7

Mandaj Diosca Hananipaj churi profeta Jehumanmi Baasapish, paipaj huasi familiapish ima tucunata huillachirca. Baasaca mana allicunata rurashpami, Mandaj Diostaca yallitaj p'iñachirca. Chaimantami Jeroboampaj huasi familiata tucui chingachishca shinallataj tucui chingachirca.

SALMOS 59:11

Paicunataca ama huañuchichu. Ashtahuanpish quiquinpaj poderhuan urata janajta cachashpa cumurichi. Chaimi ñucahuan cajcunaca quiquinta yuyaringacuna. Mandaj Dios quiquinca ñucanchij escudomi cangui.

SALMOS 79:12

Mandaj Dioslla, ñucanchij c'uchulla llajtacunataca canchis cutinhuan llaquichihuayari. Mandaj Diosta paicuna ima shinalla yanganchishca shinallataj paicunatapish llaquichihuayari.

PROVERBIOS 6:31

Shina cajpipish shuhuacujta japishpaca, shuhuacushcata canchis cutin yallihuanmi tigrachichincuna. Paipaj huasipi imalla charishcatamari cuna tucunga.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

OSEAS 1:4

Mandaj Diosca, cashnami nirca: “Cai huahuataca, Jezreelta shutichi. Jehupaj huahua huahuacunataca ñallami llaquichigrini. Jezreelpi causajcunata huañuchishcamantami llaquichigrini. Chashna rurashpami israelcunata mandanataca tucuchisha.

LEVÍTICO 26:18

Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

LEVÍTICO 26:21

Chashna llaquichijpipish ashtahuan yallitaj mana allita rurashpa catijpica, ima shina ashtahuan millaita rurashca shinallatajmi shujtaj canchis cutinhuan llaquichisha.

LEVÍTICO 26:24

ñucapish cancunahuan ashtahuan p'iñarishpami, cancunapaj juchamantaca shujtaj canchis cutihuan llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

Mateo 26:52

Jesusca: –Cambaj espadata huaquichinapi huaquichi. Espadahuan macanacujcunataca, espadallahuantaj huañuchishcami canga.

Apocalipsis 14:11

Paicuna llaquita apacunmantaca, huiñai huiñaitami cushnica llujshicungalla. Animalta, paiman rijchajta rurashca animalta adorajcunapish, chai animalpaj shutita ricuchij sellota churachijcunapish tutapish, punllapish mana samashpami llaquitaca apacungalla” nircami.

Apocalipsis 14:9

Shinallataj ishquipaj q'uipa angelpish cashna nishpami sinchita huillarca: “Animaltapish, chai animalman rijchajta rurashcatapish adoraj, sellota maquipi cashpa, frentepi cashpa chasquijca,