GÉNESIS 39:9 - Dios Rimashca Shimicunami

⁹ Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

GÉNESIS 39:9 Iomraidhean Croise

GÉNESIS 13:13

Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 20:6

Taita Diosca, chai muscuillapitajmi cashna nirca: “Can chashna alli shunguhuan japishcataca yachanillatajmi. Chai huarmipi chayarishpa ama juchallichunca ñucami jarcarcani. Chaimi imata mana rurarcangui.

GÉNESIS 20:9

Chai q'uipami Abimelecca, Abrahamta cayashpaca: –Canca ¿imatataj rurashcanguichu imamí? Ñucapajmanpish, ñuca mandacun llajtamanpish jatun jucha shamuchunca ñucaca cambajca ¿ima millaitataj rurashcaniyari? Canca ñucahuanca manapish ruraipajtamari rurashcangui.

GÉNESIS 24:2

Abrahamca, paipajta rurajcunamanta ashtahuan yalli yuyaj paipajta rurajcunatapish mandaj, tucui pai imalla charishcacunatapish cuidaj runata cayashpami: –Cunanca cambaj maquita ñuca changapi churashpa,

GÉNESIS 39:10

Chai huarmica Josetaca punllantami chashna nicurcalla. Ashtahuanpish Joseca chai huarmihuanca mana siririsha nircachu. Paipaj c'uchupi canallatapish mana munarcachu.

GÉNESIS 41:40

Ñuca huasitaca canmi mandangui. Tucui ñuca mandacun llajtami can mandashcata cazungacuna. Jatun tiyarinallapimi ñucalla tiyasha– nircami.

GÉNESIS 42:18

Quimsa punlla tucujpimi Joseca: –Ñucaca Taita Diosta manchajmi cani. Cancuna ama huañungapajca caita ruraichij:

2 SAMUEL 11:27

Llaquilla cana punllacuna ña tucurijpica, Davidca chai huarmita paipaj huasiman pushamuchun cachajpimi paipaj huasiman pushamurcacuna. Chai huarmica Davidpaj huarmimi tucurca. Paica Davidpajtaca, shuj c'ari huahuatami huacharca. David chashna rurashcaca, Mandaj Diospajca manataj pai munashcachu carca.

2 SAMUEL 12:13

Shina nijpimi Davidca Natantaca: –Mandaj Diosta p'iñachishpamari juchallishcani– nijpi Natanpish Davidtaca: –Mandaj Diosca cambaj juchataca, ñami anchuchin mana huañunguichu.

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

NEHEMÍAS 6:11

Chaimi ñucaca: “¿Ñuca shina c'ari c'ari runaca miticungami yuyanguichari? ¿Ñuca shina c'ari c'ari runaca paipaj causaita quishpichingapajca Diospaj huasiman yaicungachari? Manataj yaicushachu” nircanimi.

JOB 31:23

Ñucaca, Taita Dios llaquichinatami mancharcani. Jatun Dioshuanca mana ch'imbapurai tucuimanchu carcani.

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

ÉXODO 20:14

Ama huainayangui.

PROVERBIOS 6:29

Maijanpish shujtajpaj huarmihuan churarishpaca, chai shinamari tucun. Cusayuj huarmipi chayarishpaca, paillatajmi jatun llaquipi yaicun.

PROVERBIOS 6:32

Yuyaita mana japijllami huainayashpa purin. Chaita rurashpaca, quiquin causaitamari chingachin.

ECLESIASTÉS 7:26

Caitapishmi ricurcani: Trampa shina, urmachij linchi shina shunguta charij, c'uyaj tucushpa ugllarij huarmica huañuitapish yalli jayajmi. Diosta cushichij runaca, chashna huarmipaj maquimantaca quishpirinmi. Ashtahuanpish millaita ruraj runaca, chai huarmihuanca linchipi shina urmangallami.

JEREMÍAS 28:16

Chaimanta Mandaj Diostajmi cashna nin: Canca paicunamanca ñucata c'ariyashpa shayarina yuyaitamari cushcangui. Chaimanta cantaca cai pachamanta anchuchigrinimi. Cai huatallatajmi huañungui ninmi– nircami.

JEREMÍAS 50:7

Ñuca ovejacunataca maipi puricujta japishpapish huañuchircacunallami. Paicunata p'iñajcuna chashna huañuchishpaca: Caicunata huañuchishcamanta mana juchachishca cashunchu. Paicunallatajmari paicunata cuidashpa pushashpa causaj Mandaj Diosta mana cazurcacuna. Paicunapaj ñaupa yayacuna shunguta churashca Mandaj Diostamari p'iñachircacuna nircacunami.

LEVÍTICO 20:10

Maijanpish shujtajpaj huarmihuan huainayajpica, c'aritapish huarmitapish mana llaquishpalla huañuchichun.

LEVÍTICO 6:2

Maijanpish shujtajta umashpa Mandaj Diosta p'iñachingachari. Maijanpish paipaj maquipi mingashcata paipaj maquipi saquishcata shujtajpajta mana tigrachingachari, mana cashpaca shujtajpajta imata shuhuangachari, imata quichungachari,

NÚMEROS 32:23

Ashtahuanpish cancuna nishcata mana pajtachishpaca, Mandaj Diospaj ñaupajpimi juchallinguichij. Cancunapaj juchallataj cancunata llaquichina cashcataca yachanguichijmi.

Lucas 12:48

Maijan mana yachashcamanta ima mana allita rurashca cajpica, mana yalli llaquichishcachu canga. Piman achcata cushpaca, achcallatatajmi mañanga. Maijanman achcata mingashca cashpaca, achcallatatajmi tapunga.

1 Corintios 4:2

Maijanmanpish imata rurachun mingashcataca, allita rurashpa pajtachij cashcatami ricusha nin.

Tito 2:10

ama shuhuacuna cachun, ashtahuanpish tucui imapipish alli nishcacuna cachun yuyachishpa rimai. Chaimi ñucanchijta Quishpichij Diospaj yachanaca, sumaj cashcata yachangacuna.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

1 Juan 3:9

Maijanpish Diosmanta huacharishca cajca, Diospaj mushuj causaita charishcamanta juchallishpallaca mana causai tucunchu. Diosmanta huacharishcataj cashcamantami juchallishpallaca mana causai tucun.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.