GÉNESIS 39:7 - Dios Rimashca Shimicunami

⁷ Ña uni huatacunata chaipi causacujpimi, Josepaj amopaj huarmica Joseta ricurashpa purishpa paita munashpa: –Ñucahuan dormishun– nirca.

GÉNESIS 39:7 Iomraidhean Croise

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

2 SAMUEL 13:11

Micunata paiman cungapaj c'uchuyagrijpica paica Tamarta japishpaca: –Ñuca paniculla shamui, ñucahuan siririshun– nircami.

JOB 31:1

Ñuca ñahuicunahuanca ima mana allita ama ricungapajmi, ari ninacurcanchij. Shina cajpica c'arita mana rijsij huarmitaca, mana ricunachu cani.

SALMOS 119:37

Yangacunallapi ñuca ñahuita churanamanta anchuchihuayari. Quiquinpaj ñanpi puringapaj causaita cuhuayari.

PROVERBIOS 1:10

Ñuca huahualla, juchasapacuna inquitajpipish, amataj uyanguichu.

PROVERBIOS 2:16

Cai shimicunallatajmi cantaca, shujtaj huarmicuna mishquijlla shimicunahuan inquitashpa urmachinamanta huaquichinga.

PROVERBIOS 5:9

Chashnaca canta alli nishca canatapish achca huatacunata trabajashpa japishcatapish, mana yangamanta millaita rurajcunaman cunguichu.

PROVERBIOS 6:26

Huainayashcallahuan causaj huarmicunahuan churarij c'arica huajchayanllami, amulli tanda shinallami saquirin. Cusayuj huarmicarin alli causacuj runata huañuiman chayachinllami.

PROVERBIOS 7:13

Chai huarmica chai mosohuan tupashpaca, ugllarishcahuanmi mucharca. Chaimantaca imata mana pingashpami cashna nirca:

JEREMÍAS 3:3

Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

EZEQUIEL 16:25

Ñan callaricunapipish rurashcalla diospajmi lomacunapi altarcunata rurarcangui. Chaipimi can sumaj cashcataca mapayachircangui. Mashna chaita purijcunamanmi, cambaj aichata ricuchircangui. Chashnami ashtahuan ashtahuan huainayashpa catircangui.

EZEQUIEL 16:32

Ashtahuanpish cusayuj huarmi huainayaj shinamari cusapaj randica, shujtajcunataraj chasquingui.

EZEQUIEL 16:34

Canca huainayashpalla causaj shujtaj huarmicuna shinaca, mana carcanguichu. Canhuan huainayangapajca, cantaca pi mana mashcarcachu. Ashtahuanpish huainayashcamanta imata can chasquinapaj randica, paicunamanrajmi allicunata curcangui. Chashnami canca, pipish mana rurashcata rurarcangui.

Mateo 5:28

Ashtahuanpish ñucaca: Maijanpish shujtaj huarmita ricushpa munajca, paipaj shungupi ñami chai huarmihuan huainayan ninimi.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

1 Juan 2:16

(Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.