GÉNESIS 39:3 - Dios Rimashca Shimicunami

³ Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca.

GÉNESIS 39:3 Iomraidhean Croise

GÉNESIS 21:20

Chai huambraca Taita Dios paihuan cajpimi, shitashca pambapi huiñashpa chaipi causarca. Chai huambraca arcohuan shitanata alli yachajmi carca.

GÉNESIS 21:22

Chai punllacunallatajmi Abimelecca, paipaj soldadocunata mandaj Ficolndij Abrahampajman rishpaca: –Taita Dios canhuan cajpi can tucui imata rurashcapish alli cashcatami ricunchij.

GÉNESIS 21:23

Chaimanta cunanca ñucatapish, ñuca churitapish, ñuca nietotapish imata mana llaquichinata ari nipai. Ashtahuanpish ñuca cambaj ima shinami allita rurarcani, chai shinallataj canca ñucapajpish, can causacun cai llajtapajpish allita ruranata Mandaj Diospaj ñaupajpi ari nipai– nircami.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 26:28

Shina nijpimi, paicunaca: –Ñucanchijca Mandaj Dios canhuan cajtami ricunchij. Cunanca canhuan ñucanchijhuan shuj ruranatami ari ninacushun ninchij. Chai ari ninacunaca caimi:

GÉNESIS 30:27

Chaimi Labanca: –Ñuca canpi alli ricurishca cajpica, ñucahuan causashunlla. Mandaj Diosca canmantamari ñucamanca achca allicunata cushca. Chaitaca allimi yachani.

GÉNESIS 30:30

Ñuca shamunapajca ashallatami charishca carcangui. Cunanca achcatamari mirarin. Ñuca caiman shamujpimi, Mandaj Diosca canmanca achca allicunata cushca. Cunanca ñuca huarmicunapaj, ñuca huahuacunapajca ¿ima horataj trabajashari?– nirca.

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:21

Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

GÉNESIS 39:23

Joseca Mandaj Dios paihuan cajpimi, tucui pai imata rurashcapish alli llujshirca. Chaimi carcelpi cajcunata ricujcunata mandajca José ima shina ruracujta ricunataca mana yuyarca.

2 REYES 18:7

Chashna cajpi Mandaj Dios Ezequiashuan cajpimi, Ezequías maiman rijpipish tucuipi alli llujshirca. Chashna cashpami Ezequiasca Asiria llajtata jatun mandajta c'ariyashpa ña mana ashtahuan paicunapajta rurarca.

1 CRÓNICAS 22:13

Ña can mandacushpaca, Mandaj Dios israelcunata mandachun Moisesman cushca chaitataj pajtachichun mandashcata, pajtachinguitaj nishca shina ruranata chai yuyailla pajtachijpica, tucuipimi alli canga. Ama manchashpa sinchi sinchi cangui. Ama mana rurai tucushcata yuyashpa shaicurij shina saquiringuichu.

1 CRÓNICAS 9:20

Diospaj huasita ñaupa cuidajcunata mandajca, Eleazarpaj churi Fineesmi carca. Mandaj Diosca Fineeshuanmi carca.

2 CRÓNICAS 1:1

Davidpaj churi Salomonca, paita Mandaj Dios paihuan cajpimi, tucuita mandai callarirca. Mandaj Diosmi paitaca mandanapica, pi mana cuyuchipajta shina rurarca.

2 CRÓNICAS 26:5

Zacariasca causashcacamaca, Taita Dios yuyaillami causarca. Zacariasca, muscuipi shina Taita Dios ricuchishcata alli yachajmi carca. Shinallataj Mandaj Diospish, Uzías paillata mañajpica, tucuipimi alli pusharca.

NEHEMÍAS 2:20

Ashtahuanpish ñucaca: –Jahua pacha Diosmi ñucanchijtaca ayudanga. Paipajta ruraj ñucanchijca tucuicuna jatarishpa, cai pircacunataca cutin pircashunllami. Cancunaca cai Jerusalenpica, imata ninata, imata ruranata, Jerusalenpi imata yuyarinataca mana charinguichijchu– nircanimi.

SALMOS 1:3

Chai runaca yacu uripi tarpushca yura shinami canga. P'ucuna punllacunapitaj p'ucuj shinami canga. Chai yuramantaca p'angacunapish mana urmanchu. Tucui imata pai rurashcapish allimi llujshinga.

ZACARÍAS 8:23

Tucuita Mandaj Diosca cashnapishmi nin: “Chai punllacunapica cashnami tucunga: Tucui llajtacunamanta shujtaj shujtaj rimaita rimaj chunga runacunami Judá llajtapi causaj runapaj churanapi charirashpa: Ñucanchijpish cancunahuan rishun nipanchijmi ningacuna” nircami.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

1 Corintios 16:2

Ñuca chayajpi ofrendata ama tandana tucuchunca, cada quiquin ima shina japishca shinallataj, cada semana callari punllapi ch'icanchishpa huaquichichij.

DEUTERONOMIO 2:7

Mandaj Dios, cancunapaj Taita Diosca cancuna imata ruranapipish allimi nishcami. Shitashca jatun pambapi cancuna puricujtaca paica yachanmi. Cai tucui chuscu chunga huatatami Mandaj Dios cancunapaj Taita Diosca cancunahuan cashca. Paica cancunataca ima mana illajtami pushamushca.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.

1 SAMUEL 18:14

Davidca imata ruranapipish, pushanapipish alli yachai sapami carca. Mandaj Diosca paihuanmi carca.

1 SAMUEL 18:28

Saulca chaita ricushpami, Mandaj Dios Davidhuan cashcata, paipaj ushushi Micalpish Davidta c'uyacujta ricurca.

1 SAMUEL 3:19

Samuelca huiñarcami. Mandaj Diosca paihuanmi carca. Pai huillashca shimicunaca tucuimi pajtarca.